Халқаро футбол тарихи ва статистикаси федерацияси (IFFHS) Африканинг сўнгги ўн йилликдаги энг яхши уч нафар футболчиси номини эълон қилди.
Рейтингни тузишда Африка футбол конфедерациясига аъзо мамлакатлар футболчиларининг 2011—2020 йиллардаги натижалари ҳисобга олинди.
Унга кўра, «Ливерпуль» клуби ва Миср терма жамоаси ҳужумчиси Муҳаммад Салоҳ Африканинг сўнгги ўн йилликдаги энг яхши ўйинчиси деб топилди. Иккинчи ўринда унинг жамоадоши, сенегаллик Садио Мане қайд этилди.
Кучли учликни «Манчестер Сити» клуби ва Жазоир терма жамоаси ҳужумкор ярим ҳимоячиси Риёд Маҳрез эгаллади.
Салоҳ сўнгги ўн йилликда «қизиллар» сафида тўп суришдан ташқари «Мокавлун», «Базел», «Челси», «Фиорентина» ва «Рома» клубларида фаолият юритди.
Аввалроқ Африканинг сўнгги ўн йилликдаги энг яхши футболчиларидан иборат рамзий терма жамоа тузилганди.
Мавзуга доир:
- Сўнгги ўн йилликнинг энг яхши тўпурар ҳимоячилари аниқланди. Рамос пешқадам, ўзбекистонлик футболчи топ-20 га кирди
- 2020 йилнинг энг яхши футбол клублари рейтинги эълон қилинди. «Пахтакор» дунё бўйича 85-ўринда, Осиёда эса тўртинчи
- 2020 йилнинг энг кучли футбол лигалари аниқланди. Ўзбекистон Суперлигаси топ-50 дан ўрин олди
Изоҳ (0)