«Бавария» клуби Бундеслига 20-тури доирасида 5 февраль куни «Ҳерта» майдонига сафар қилди ва 1:0 ҳисобида ғалабага эришди.
Мюнхенликлар сардори Мануэль Нойер «Ҳерта»га қарши баҳслардаги 16-қуруқ ўйинини ўтказди. Шу тариқа Нойер Бундеслига тарихида битта рақибга қарши баҳсда бу қадар кўп қуруқ ўйин ўтказган илк дарвозабонга айланди.
Бу 34 ёшли посбон учун Бундеслигадаги 198-қуруқ ўйин бўлди. Аввалроқ Нойер бу борада Оливер Каннинг (196) рекордини янгилаганди.
Мануэль 2011 йилдан буён «Бавария»да фаолият юритади. Шу вақтга қадар у мюнхенликлар сафида 415 ўйин ўтказиб, уларнинг 205 тасида ўз дарвозаси дахлсизлигини сақлаб қолган.
«Бавария» айни дамда Бундеслигада 48 очко билан якка пешқадам бўлиб турибди.
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)