Тошкент шаҳрида ички ишлар органларининг «Давомат» тадбири давомида айрим мактаб ўқувчиларининг ёнидан никотин қопчалари топилган. Маълум бўлишича, ўсмирлар бу қопчалар таркибида тамаки йўқлиги боис уларни безарар деб ўйлаган, бироқ аслида бу қопчалар таркибида жуда кўп миқдорда никотин борлигидан бехабар бўлган.
Мактаб ўқувчилари орасида никотинли снюс оммалашиб бораётганига борасидаги хавотирлар қанчалик асосли? Бу ҳақда Тошкент шаҳар Ички ишлар бош бошқармаси (ИИББ) ахборот хизмати бошлиғи ўринбосари Нилуфар Исахонова сўзлаб берди.
Ўзбекистонда ўсмирлар орасида снюснинг оммалашуви қачон долзарб муаммога айланди?
— 2019 йил охирида Тошкент шаҳар ИИББ ходимлари «снюс» аталмиш муаммога дуч келишди. Ички ишлар органлари ходимлари «Давомат» тадбирлари давомида ўқувчиларнинг ёнидан ушбу маҳсулотни топа бошлаши билан бунга жиддий эътибор қаратган. Суҳбатлар вақтида ўсмирлар бунинг ҳеч қандай ёмон жойи йўқлигини таъкидлашарди, чунки маҳсулот таркибида жуда кўп миқдорда никотин борлигини билишмаган. Боз устига, снюслар савдоси очиқ, эркин, уларни сотиб олиш осон.Снюсга нисбатан «мода», айниқса мактаб ўқувчилари орасида вақт ўтиши билан ўтиб кетади деб ишонилади.
— Ушбу «тренд» (баъзилар буни «мода» деб ҳам атайди) боланинг соғлиғи ва таълим кўрсаткичларига салбий таъсир кўрсатади. Бола таркибида никотин бўлган маҳсулот таъсири остида ўз аҳволини назорат қилолмайди ва дарсларни, ўқитувчиларнинг дарс бўйича тушунтиришлари ва топшириқларини идрок эта олмайди. Бола ҳорғин, пассив, жавоб бермайдиган ва кейинчалик никотинга қарам бўлиб қолади, шу сабабли вақт ўтиши билан соғлиғида муаммолар пайдо бўлади. Никотиннинг инсон танасига, айниқса, боланинг мўрт танасига зарари ҳақида кўп нарса маълум.Бу муаммога қарши ички ишлар идоралари томонидан қандай чоралар кўрилмоқда?
— 2020 йил бошида Тошкент шаҳар ИИББ томонидан снюсларни сотиш ва реклама қилганлик учун маъмурий жавобгарликни белгилаш тўғрисида таклиф берилди. Бизни Соғлиқни сақлаш вазирлиги қўллаб-қувватлади, биргаликда снюс сотилишини тартибга солувчи айрим қонун ҳужжатларига ўзгартиш ва қўшимчалар киритиш, шунингдек таркибида никотин бўлган маҳсулотларни тамаки маҳсулотларига тенглаштириш тўғрисидаги қонун лойиҳасини ишлаб чиқишни бошладик.Фарзанди снюсдан фойдаланаётганини билиб қолган ота-оналар нима қилиши керак?
— Бола билан профилактик суҳбат ўтказиш, унга таркибида тамаки бўлмаган, аммо никотинли маҳсулотлардан, айнан шу снюсдан қандай зарар кўриши мумкинлигини тушунтириш, болани кузатиб бориш, унга эътибор бериш, уни спортга, соғлом турмуш тарзига жалб қилиш керак.Эслатиб ўтамиз, Алкоголь ва тамаки бозорини тартибга солиш ва виночиликни ривожлантириш агентлиги Соғлиқни сақлаш вазирлиги билан биргаликда «Спиртли ичимликлар ва тамаки маҳсулотларини айланмасини тартибга солиш ва истеъмол қилишни чеклаш тўғрисида»ги қонун лойиҳасида никотинли снюсни тақиқлаш таклиф қилинган.
Изоҳ (0)