Буюк Британиянинг Гринвич университети олимлари COVID-19’нинг самолёт бортида юқиш эҳтимоли қай даражада эканлигини аниқлаш мақсадида тадқиқотлар ўтказди. Бу ҳақда «Известия» хабар берди.
Олимларнинг аниқлашича, вазият энг ёмон сценарий бўйича кетган вақтда, яъни самолёт бортида коронавирусга чалинган одам бор бўлган ҳолатда 12 соат давом этадиган парвознинг ўзида эконом классда учаётган 99,6 фоиз йўловчи ва бизнес классдагиларнинг ярми инфекцияни юқтириб олиши мумкин.
Британиялик олимлар ишлаб чиққан математик моделда бизнес ва эконом классдаги қурилмаларнинг фарқи, самолёт ҳаво айланиш тизими, йўловчилар учун вентиляция тизимининг даражаси, бир нафар касалланган йўловчи нафас олиб нафас чиқарган вақтида бортда ҳаракатлана бошлайдиган коронавирусларнинг сони ва бошқа жиҳатлар ҳисобга олинган.
Мавзуга доир: Британияда 11 ой комада ётган йигит тузалди. Шу вақт ичида у икки марта COVID-19’га чалинган
Самолётдаги парвоз олти соатдан узоқ давом этадиган бўлса, коронавирус инфекциясини юқтириб олиш эҳтимоли янада ўсиб боради.
2020 йил октябрь ойида Халқаро ҳаво транспорти ассоциациясининг экспертлари авиапарвозлар вақтида коронавирусга чалиниш хавфи ниҳоятда паст эканини маълум қилганди.
Изоҳ (0)