Серхио Агуэро яна бир неча ҳафта майдонга тушмайди. Унда коронавирус асоратлари оғир кечмоқда

«Манчестер Сити» ҳужумчиси Серхио Агуэро яқин бир неча ҳафта ичида жамоасига ёрдам бера олмайди, дея ёзмоқда The Times.

Манбада қайд этилишича, аргентиналик футболчи коронавирус асоратларидан азият чекмоқда ва яна бир неча ҳафта давомида тикланиш жараёнини бошдан кечиради. Агуэро машғулотларга киришган бўлса-да, ҳозирда фақат индивидуал дастур бўйича спорт залида машғулот олиб бормоқда.

Эслатиб ўтамиз, Агуэрода 21 январь куни коронавирус аниқланганди.

32 ёшли форвард АПЛнинг 2020/21 йилги мавсумида 5 та ўйин ўтказиб, бирор марта ҳам рақиб дарвозасини ишғол қилмади.

«Шаҳарликлар» 22-турда 3 февраль, чоршанба куни «Бёрнли» била куч синашса, 7 февраль, якшанба куни «Ливерпуль» билан баҳс олиб боради.