Футбол бўйича Англия чемпионатининг 22-туридан ўрин олган учрашувда «Манчестер Юнайтед» ўз уйида «Саутҳэмптон»ни қабул қилди ва 9:0 ҳисобида ғалаба қозонди.
Манкунианлар 2020/21 йилги мавсумда иккинчи марта Премьер Лига учрашувида 6 ва ундан кўпроқ гол уришга эришди. Жамоа бунгача 2020 йилнинг 20 декабрида бўлиб ўтган «Лидс»га қарши баҳсда (6:2) 6 та гол урганди. Opta’нинг хабар беришича, «Юнайтед» 2000/01 йилги мавсумдан бери илк марта бир мавсумда икки бор 6 та ва ундан кўпроқ гол урган. 20 йил олдинги қурбонлар «Бредфорд» ва «Арсенал» клублари бўлганди.
Шунингдек, «Манчестер Юнайтед» АПЛнинг 2020/21 йилги мавсумида иккинчи бор 1-бўлимнинг ўзида 4+ гол урди. «Юнайтед» бундай натижани 1997/1998 йилги мавсумдан бери илк бор қайд этди.
Ушбу ғалабадан кейин «Юнайтед» етакчи «Манчестер Сити»га очколар сони бўйича етиб олди. Ҳозирда Манчестер клубларининг ҳисобида 44 очкодан бор, аммо «шаҳарликлар»нинг 2 та захира ўйини бор. «Саутҳэмптон» эса 29 очко тўплаган ҳолда 12-ўринда бормоқда.
Изоҳ (0)