Футзал бўйича Ўзбекистон терма жамоаси 3 февраль, чоршанба куни Тошкентда Аргентина терма жамоасига қарши иккинчи ўртоқлик учрашувини ўтказди.
Ушбу ўйин тақдирини 8-дақиқада Лукас Триподи томонидан киритилган гол ҳал этди. Қайд этиш жоиз, жамоалар ўртасида 2 февраль, сешанба куни бўлиб ўтган баҳсда ҳам ўйин тақдирини битта гол ҳал этган ва у голни Лукас Боло киритганди.
Шу тариқа Ўзбекистон футзал термаси иккита ўртоқлик ўйинида ҳам амалдаги Жаҳон чемпионлари — Аргентинага минимал ҳисобда мағлуб бўлди.
Ўртоқлик учрашуви
3 февраль, чоршанба
Ўзбекистон — Аргентина 0:1
Гол: 0:1 — 8 Лукас Триподи.
Ўзбекистон (биринчи бешлик): Аббос Элмуродов, Ихтиёр Ропиев, Илҳомжон Ҳамроев, Ҳусниддин Нишонов, Даврон Чориев.
Захира: Рустам Умаров, Анасхон Раҳматов, Элбек Тўлқинов, Дилмурод Шавкатов, Акбар Усмонов, Жавлон Аноров, Авазбек Абдувалиев, Шаҳзоджон Садиев, Хушнур Эркинов.
Аргентина (биринчи бешлик): Матиас Старна, Дамиан Стаззоне, Анхель Клаудино, Константино Вапораки, Алан Бранди.
Захира: Лукас Фарах, Лукас Триподи, Лукас Боло Алемани, Максимилиано Речиа, Себастиан Корсо, Лучиано Авеллино, Матиас Роса, Сантиаго Руфино, Андрес Герати.
Изоҳ (0)