Футбол бўйича Англия Премьер Лигасининг 22-туридан ўрин олган бир қатор учрашувлар 2 февраль, сешанба куни бўлиб ўтди.
«Манчестер Юнайтед» жамоаси ўз уйида «Саутҳэмптон»ни қабул қилди. Меҳмонлар иккинчи дақиқадаёқ бир ўйинчи кам бўлиб қолди, бу эса Оле-Гуннар Сульшер шогирдларига катта устунлик берди. Биринчи бўлимнинг ўзида мезбонлар рақиб дарвозасини жавобсиз тўрт марта ишғол қилди. Аарон Уан-Биссака, Маркус Рэшфорд ва Эдинсон Кавани ўз ҳисобларига гол ёздириб қўйган бўлса, битта автогол қайд этилди.
Иккинчи бўлимда «қизил иблислар» яна беш марта рақиб дарвозасини ишғол қилди. 69-дақиқада Антони Марсьяль жамоасининг бешинчи голини урган бўлса, орадан кўп ўтмай Скотт Мактоминей ҳисобни оширди. 86-дақиқада «авлиёлар»нинг иккинчи ўйинчиси қизил карточка олиб майдонни тарк этди. Қолган вақт мобайнида Бруну Фернандеш, Марсьяль ва Дэниэл Жеймс мезбонларнинг голларига муаллиф бўлди.
Мазкур ғалабадан кейин «Манчестер Юнайтед» очколарини 44 тага етказиб олди ва иккита захира ўйинига эга, пешқадам «Манчестер Сити»га етиб олди.
Яна бир ўйин «Вулверҳэмптон» ва «Арсенал» жамоалари ўртасида кечди. Аввалига лондонликлар Николя Пепенинг голи эвазига олдинга ўтиб олди. Биринчи бўлим якунланиши арафасида меҳмонлар ҳимоячиси Давид Луиз ўз жарима майдони ичидаги қўполлик учун тўғридан-тўғри қизил карточка олиб майдонни тарк этди. Белгиланган пенальтини Рубен Невеш муваффақиятли амалга оширди.
Иккинчи бўлим дебютида Жоау Моутинью «бўрилар»нинг иккинчи голини урди. 72-дақиқада «Арсенал» посбони Бернт Лено қизил карточка олиб майдонни тарк этди ва шу ҳисоб ўйин якунига қадар сақланиб қолди.
«Вулверҳэмптон» 26 очко билан 14-поғонада бормоқда, «Арсенал» (31) эса 10-ўриндан жой олган.
АПЛ
22-тур баҳслари
2 февраль, сешанба
«Манчестер Юнайтед» — «Саутҳэмптон» 9:0
Голлар: 1:0 – 18 Уан-Биссака, 2:0 – 25 Рэшфорд, 3:0 – 34, автогол Беднарек, 4:0 – 39 Кавани, 5:0 – 69 Марсьяль, 6:0 – 71 Мактоминей, 7:0 – 87, пенальти Бруну Фернандеш, 8:0 – 90 Марсьяль, 9:0 – 90+3 Жеймс.«Манчестер Юнайтед»: Де Хеа, Шоу (ван де Бек, 46), Магуайр, Уан-Биссака, Линдельоф, Бруну Фернандеш, Мактоминей, Фред, Кавани (Марсьяль, 46), Гринвуд, Рэшфорд (Жеймс, 60).
«Саутҳэмптон»: Маккарти, Бертран, Стивенс, Рэмзи, Беднарек, Янкевиц, Женепо (Цҳапцҳе, 78), Армстронг, Уорд-Проуз, Ингз (Редмонд, 70), Адамс.
Огоҳлантиришлар: Рэмзи (42), Стивенс (45), Магуайр (52), ван де Бек (53), Армстронг (89).
Четлатишлар: Янкевиц (2), Беднарек (86).
«Вулверҳэмптон» — «Арсенал» 2:1
Голлар: 0:1 – 32 Пепе, 1:1 – 45+5, пенальти Рубен Невеш, 2:1 – 49 Моутинью.«Вулверҳэмптон»: Руй Патрисиу, Семеду, Коуди, Боли, Килмен, Поденсе (Витиня, 62), Моутинью, Нету, Рубен Невеш (Дендонкер, 74), Траоре, Виллиан Жозе (Фабиу Сильва, 90).
«Арсенал»: Лено, Бельерин, Ҳолдинг, Соареш, Давид Луиз, Парти (Рунарссон, 75), Сака, Смит-Роу, Жака, Пепе (Обамеянг, 61), Ляказетт (Габриэль, 46).
Огоҳлантиришлар: Моутинью (13), Килмен (28), Парти (41), Рубен Невеш (47), Жака (62).
Четлатишлар: Давид Луиз (45+3), Лено (72).
«Шеффилд Юнайтед» — «Вест Бромвич» 2:1
Голлар: 0:1 – 41 Филлипс, 1:1 – 56 Богл, 2:1 – 73 Шарп.Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)