Ортиқча вазн муаммосини бартараф эта олган Болливуд актрисалари (фото)

Мукаммал силуэт ҳар бир аёл учун ниҳоятда муҳим мавзудир. Чиройли қоматни сақлаб қолиш қийинлашиб бораётган бир вақтда жисмоний меҳнат ва парҳез ёрдамга келмоқда. Стресс, уйқусизлик, авитаминоз, айниқса, туғруқдан кейинги давр, гормонал ўзгаришлар каби шароитда ҳам аёллар гўзалликни сақлаш учун ҳар қандай усулни ўйлаб топади. Бу борада юлдузлар анча пешқадам ҳисобланади.

Айшвария Рай

Айшвария доимо ўзининг бетакрор кўриниши билан машҳур бўлган. Баландлиги 170 сантиметр бўлган актрисанинг вазни 55 килограммдан ошмаган. Бироқ 2011 йилда қизини дунёга келтирганидан сўнг 25 килограмм ортиқча вазн тўплаган. У аввалги ҳолига келиши учун тахминан 2 йил вақт сарфлади.

Бунинг учун актриса гўштдан бутунлай воз кечган. Унинг парҳези гуруч, сабзавот, балиқ ва денгиз маҳсулотларига асосланган. Фақат лимон ва қуритилган меваларни истеъмол қилган. Кун давомидан 2 литр сув ҳамда жуда фойдали зираворлар тановул қилган. Улар модда алмашинуви жараёнини яхшилаб, тўқималардаги ёғни эритишда ёрдам берган. Айшвария икки соатлик йога ва медитация машғулотларини ҳам мунтазам олиб борган.

Карина Капур

Карина ҳеч қачон озғин бўлмаган, улар оилавий тарзда овқатни яхши кўради. Одатда актрисанинг вазни 70 килограмм атрофида бўлган. Аммо 2008 йилда «Умидсиз» фильмида суратга тушиш учун бир неча килограм вазн йўқотишига тўғри келган. Натижада у 40 килограмм вазнга эга бўлган. Махсус йога ва кўкатли озиқ-овқатлар туфайли 20 килограмм вазн йўқотган. Кейинчалик бир неча йиллар давомида 50 килограмм вазнда юрди, аммо туғруқдан кейин яна 29 килограмм ортиқча вазнга эга бўлган.

Сонам Капур

Сонамнинг илк дебютидан аввалги вазни 90 килограммни ташкил этган. Аммо у фильмдаги ижроси учун 56 килограмм бўлишга эришган. Бунинг учун у гўшт маҳсулотларидан бутунлай воз кечган. Бундан ташқари у сузиш, йога ва рақс билан мунтазам шуғулланади.

Паринити Чопра

Гўзал Паринити Болливудда ўз карьерасини бошлаш учун 28 килограмм вазн ташлашига тўғри келган. У қомати борасидаги танқидларни тез-тез эшитиб турган ва яхши натижага эришишга муваффақ бўлган. Актрисанинг сўзларига кўра, у спортни ёқтирмайди, лекин йога, сузиш, от миниш ва югуриш билан шуғулланади. Шуниндек, кам углеводли парҳезга ҳам риоя қилади.

Зарин Хон

Зарин ҳам дебютидан аввал 100 килограмм оғирликда эди. Кадрга муносиб кўриниш учун 57 килограмм бўлишга эришган. Унинг сўзларига кўра, ўзининг гўзал қоматини сақлаб қолиши учун парҳезга мунтазам риоя қилиш, жисмоний фаоллик, ҳафтасига 3—4 марта югуриш каби машғулотлар билан шуғулланади. Вақти-вақти билан актрисанинг вазни ортиб туради, аммо олдингидек килограммни ташкил этмайди.

Сонакши Синха

Актриса Салмон Хон билан иштирокидаги «Қўрқмас» фильмида илк дебютини ижро этган. Роль учун Сонакши 90 дан 60 килограммгача озишга ҳаракат қилган. Бунинг учун у тўғри овқатланиш, крахмалли маҳсулотлардан воз кечиш, шунингдек, велосипед, сузиш ҳамда йога билан ҳам шуғулланган. Унинг сўзларига кўра, Салмон Хон суратга тушиш жараёнидан кейин ҳам унга қоматини сақлаб қолиш учун бор кучи билан ҳаракат қилишини айтиб ўтган.