Фаҳрие Эвжен энг гўзал мусулмон аёллардан бири деб топилди, «Қора ният» хиёнатни тарғиб қилишда айбланди. Турк киноси янгиликлари

Турк киносаноатидаги энг янги хабарларни эътиборингизга ҳавола этишда давом этамиз.

«Қора ният» сериали RTÜK — цензура қўмитасининг «қора рўйхатидан» ўрин олди. Томошабинлар сериални эр-хотинларнинг бир-бирига хиёнатини тарғиб қилишда айбламоқда. Хиёнат оилаларнинг бузилишига сабаб бўлади деб ҳисоблагани сабаб, мухлислар томонидан билдирилган эътирозлар ўрганиб чиқилиб, жарима солинади.

«Элчининг қизи» сериалини тарк этган Ураз Кайгилароғлу узоқ вақт бўш ўтирмасликка қарор қилди ва Жем Йилмазнинг Netflix учун суратга оладиган янги лойиҳасида иштирок этишни муҳокама қилишга киришди.

Айни вақтда «Менинг чап тарафим» сериалида суратга тушаётган Дефне Самелининг репутациясига таъсир қиладиган хабарлар тарқалди. Hürriyet газетасининг журналисти Синем Вуналнинг маълум қилишича, Дефне сўнгги икки йил ичида ижара ҳаққини тўламагани сабаб унга қарши даво очилган. Ушбу хабарга нисбатан актриса бу уни ерга уриш ва обрўсини туширишга қаратилган хатти-ҳаракат эканини таъкидлаган.

Италияда бўлган Жан Яман янги севгилиси билан вақт ўтказиш билан бирга ҳамкорликдаги лойиҳаларда ҳам иштирок этмоқда. Chi журнали Жаннинг Дилетта Леотто билан тушган суратини эълон қилган.

Селаҳаттин Пашали ва Хазал Кая Netflix платформаси учун суратга тушаётган «Пере Паласдаги ярим тун» сериалида бирга суратга тушади.

Ҳиндистоннинг Bollyinside сайти талқинига кўра Фаҳрие Эвжен дунёнинг энг гўзал мусулмон аёллари рўйхатидан ўрин олган. Актриса учун миллионлаб одамлар овоз берган.

Тарик Эмир Текин «Садоқатсиз» сериалидаги иштирокини давом эттиради. Аввалроқ унинг лойиҳани тарк этиши ҳақида маълумот тарқалганди. Эрен Вурдем эса сериални тарк этади.

Серкан Чайоғлу «Кипрдаги қиш» сериалида суратга тушмоқда. 26 қисмдан иборат сериал премьераси март ойида бўлиши кутилмоқда.