Футбол бўйича Франция чемпионатининг 22-турида ПСЖ 31 январь, якшанба куни «Лорян» майдонига сафар қилди.
Учрашувнинг 36-дақиқасида майдон эгалари Лоран Абержелнинг голи эвазига олдинга ўтиб олди. Бунга парижликлар Неймарнинг пенальтидан урган голи билан жавоб қайтарди. Иккинчи бўлим дебютида Неймар яна бир бор 11 метрлик жарима зарбасини голга айлантирди.
80-дақиқада Ёан Висса ҳисобни тенглаштирган бўлса, ҳакам томонидан қўшиб берилган вақтда Терем Моффи майдон эгаларининг ғалаба тўпини киритди.
Ушбу ғалабадан кейин «Лорян» очколарини 18 тага етказиб олди ва сўнгги ўриндан 18-поғонага кўтарилди. ПСЖ (45) эса учинчи ўринга тушиб кетди.
Лига 1
22-тур баҳси
31 январь, якшанба
«Лорян» — ПСЖ 3:2
Голлар: 1:0 – 36 Абержел, 1:1 – 45, пенальти Неймар, 1:2 – 58, пенальти Неймар, 2:2 – 80 Висса, 3:2 – 90+1 Моффи.«Лорян»: Дреер, Эрго, Мендес (Делаплас, 60), Лапорт, Морель, Монкондюи (Чалоба, 46), Абержел, Лорянте (Висса, 61), Ле Фе (Амел, 78), Гравиён, Грбич (Моффи, 61).
ПСЖ: Рико, Кимпембе, Флоренци, Керер, Курзава, Данилу Перейра, Паредес (Гуйе, 81), Ди Мария (Сарабия, 81), Икарди, Мбаппе, Неймар.
Огоҳлантиришлар: Данилу Перейра (2), Ле Фе (12), Монкондюи (28), Лемуан (71), Паредес (75), Абержел (90).
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)