Дунёнинг энг келишган 5 футболчиси (фото)

Чирой, гўзаллик ва кўркамлик жуда нисбий тушунча бўлиб, уни ҳамма ҳар хил кўради. Бироқ баъзи жиҳатларда кўпчиликнинг фикри ва танловлари инобатга олинган ҳолда маълум бир тўхтамга келинади. Мисол учун, бу ҳолатни дунёнинг энг гўзал аёли ёки энг кўркам эркагини танлашда кўриш мумкин. Ва бундай танловларда одатда актёр ҳамда актрисалар юқори ўринларда қайд этилади. Бироқ яна шундай соҳа вакиллари ҳам борки, улар машҳурлик борасида исталган Голливуд ёки Болливуд актёрлари билан беллаша олади. Ҳа, бу футболчилар бўлиб, бугунги кунда уларнинг аксарияти ўйинларга худди учрашувга чиқаётгандек тайёргарлик кўради. Сезиб улгурганингиздек, қуйида дунёнинг айни пайтдаги энг кўркам (яхши ташқи кўринишга эга) футболчилари ҳақида фикр юритилади.

Дэвид Бекҳэм (Англия)

Ёши: 45

Бўйи: 185 см, вазни: 78 кг

Позицияси: ярим ҳимоячи

Ҳа, Дэвид фаолиятини якунлаганига анча йил бўлди. Бир неча йил олдин Виктория исмли аёлга уйланган Бекҳэм ҳамон замонавий ва келишган футболчилар рўйхатида юқори ўринларни эгаллаб келади. Эҳтимол, «Реал» ва «Манчестер Юнайтед» собиқ футболчиси худди яхши шароб сингари йиллар ўтгани сайин фақат яхшиланиб боради.

Криштиану Роналду (Португалия)

Ёши: 35

Бўйи: 187 см, вазни: 85 кг

Позицияси: ҳужумчи

Криштиану қийшиқ тишлар ва терида муаммоси бор болакайдан дунё футболининг асосий юлдузи ва дунёнинг энг машҳур одамига айланди.

Бугунги кунда Роналду энг машҳур спорт брендларининг кийимларини, шунингдек, етакчи косметик компанияларнинг маҳсулотларини мунтазам равишда реклама қилади.

Бироқ бир вақтлар унда футбол ўйнаш истаги, кучли қатъият ва истеъдоддан ташқари ҳеч нарса бўлмаган, на пул, на жозибадорлик ва на машҳурлик. У ўзида бор нарсанинг ҳаммасига меҳнати орқали эришган.

Неймар (Бразилия)

Ёши: 28 ёш

Бўйи: 174 см, вазни: 68 кг

Позицияси: ҳужумчи

Бразилиялик таниқли ва келишган Неймар бугунги кунда охирги йиллардаги омадсизликларига қарамай, дунёнинг энг яхши футболчиларидан бири ҳисобланади. Бундан ташқари, у ўзининг ташқи кўриниши ва майдон ташқарисидаги «шўхлик»лари билан ҳам яхшигина танилган. Шундай экан, у айни пайтда ҳар томонлама энг яхшилар қаторидан жой олган.

Херард Пике (Испания)

Ёши: 33

Бўйи: 192 см, вазни: 85 кг

Позицияси: ҳимоячи

«Барселона» ҳимоячиси Херард Пике ҳам жуда яхши ташқи параметрларга эга, қўшиқчи Шакиранинг айнан уни ўзига турмуш ўртоқ сифатида танлагани ҳам бунга яққол мисол бўла олади. Майдонда совуққонлик ҳаракат қиладиган ва яхши техник хусусиятларга эга бўлган Пикенинг кўзлари қарама-қарши жинс вакилларини ўзига жалб этиб келган. Бундан ташқари, унинг баланд бўйли экани ҳам Херардга қўшимча кўркамлик бағишлаб туради.

Пауло Дибала (Аргентина)

Ёши: 27

Бўйи: 177 см, вазни: 79 кг

Позицияси: ҳужумчи

Ўз вақтида Лионель Мессининг вориси ва Аргентина терма жамоасининг келажаги сифатида қайд этилган Дибала ҳозирча «Ювентус» билан фақатгина Италиядаги ютуқлари билан чекланмоқда. Аммо бу унинг ташқи кўринишидан фойдаланган ҳолда мунтазам рекламаларда суратга тушишига ва яна-да машҳурлик орттиришига халақит қилмаяпти. Бугунги кунда Дибала шубҳасиз, Турин клубининг Криштиану Роналдудан кейинги асосий юлдузи ҳисобланади. У қайсидир маънода португалияликнинг соясида қолиб кетаётгани ҳам рост, бироқ жамоа ғалабаларида унинг ҳиссаси ҳам беқиёсдир. Асосийси, уни Туринда қадрлашади, футболчи учун эса муҳими шу.