Футбол бўйича Англия Премьер Лигасининг 21-турида «Челси» 31 январь, якшанба куни «Бёрнли»ни қабул қилди.
Учрашувнинг 40-дақиқасида Сесар Аспиликуэта лондонликларни олдинга олиб чиққан бўлса, учрашув якунланиши арафасида Маркос Алонсо мезбонларнинг иккинчи голини уриб, якуний ҳисобни ўрнатди.
Бу Томас Тухель қўл остидаги жамоа учун илк ғалаба бўлди. «Челси» 33 очко билан 7-ўринга кўтарилди. «Бёрнли» (22) 16-поғонада бормоқда.
«Лестер» сафарда «Лидс»га қарши баҳс юритди. Аввалига майдон эгалари Ҳарви Барнснинг голи эвазига олдинга ўтиб олди. Бироқ «Лидс» бунга учта тўп билан жавоб қайтарди: Стюарт Даллас, Патрик Бемфорд ва Жек Ҳаррисоннинг голлари меҳмонларга ғалаба олиб келди.
Бу мағлубиятдан кейин «Лестер» (39) иккинчи ўринга кўтарилиб олиш имкониятини кўкка совурди ва 3-поғонада қолди. «Лидс» (29) эса 12-ўринга кўтарилди.
АПЛ
21-тур баҳслари
31 январь, якшанба
«Челси» — «Бёрнли» 2:0
Голлар: 1:0 – 40 Аспиликуэта, 2:0 – 84 Алонсо.«Челси»: Менди, Алонсо, Тиаго Сильва, Аспиликуэта, Рюдигер, Ковачич, Маунт (Ҳаверц, 80), Жоржиньо, Ҳадсон-Одои (Жеймс, 73), Абраҳам (Пулишич, 46), Вернер.
«Бёрнли»: Поуп, Лоутон, Питерс, Ми, Тарковски, Вествуд, Корк, Брэйди (Мумбонго, 76), Макнил, Вуд (Гудмундссон, 62), Видра (Родригес, 57).
Огоҳлантиришлар: Вествуд (60).
«Лестер» — «Лидс» 1:3
Голлар: 1:0 – 13 Барнс, 1:1 – 15 Даллас, 1:2 – 70 Бемфорд, 1:3 – 84 Ҳаррисон.Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)