Ҳинд киносаноатида ўз ўрнига эга бўлган актрисаларнинг карьера учун актрисаликни танлаган, аммо опасичалик машҳур бўлолмаган сингиллари ҳақида маълумот бериб ўтамиз.
Мина Кумари ва синглиси Махлика (Мадху)
Мина Кумарнинг синглиси Мадху 1940 йилларда машҳур актриса бўлган ва 1953 йилда комик актёр Меҳмудга турмушга чиққан. Оиласига ўзини бағишлаган актрисанинг ўғли Лаки Али хонанда бўлган.
Мадхубали ва унинг синглиси Чанчал
Замонасида ўзига яраша машҳурликка эришган Мадхубалининг синглиси ҳам актриса бўлган. У «Ганг дарёси оқадиган мамлакат» ва «Алоқа» сингари фильмларда роль ижро қилган.
Мумтаз ва унинг синглиси Маллика Аскари
Мумтазнинг синглиси 60-70 йилларда ижод қилган ва кўп бўлмаса ҳам эсда қоларли роллар ўйнаган. «Абадий севги ҳикояси», «Севгилим», «Кашмирдаги севги» шулар жумласидан. Малика актёр Рандхава билан турмуш қурган. Унинг ўғли 1990 йилларда салбий қаҳрамонлар ролини ижро қилган.
Падмини, Рагини ва Лалита
Опа-сингилларнинг ҳар уччаласи ҳам актрисалик билан шуғулланган. Улар орасидан Раж Капур билан бирга суратга тушган Падмини кўпроқ машҳурликка эришган. Рагини Шамми Капур билан бирга «Мужрим» фильмида суратга тушган.
Нутан ва унинг сингиллари Тануджа ҳамда Чатура
Ўтган йилларнинг энг машҳур актрисаларидан бири бўлган Нутаннинг синглиси Тануджа ҳам актриса бўлган. Синглиси Чатура эса рассомлик билан шуғулланган.
Воҳида Рахман ва синглиси Саида
Воҳида Рахманнинг уч синглиси бор: Шоҳида, Зоҳида ва Саида. Шоҳида ва Зоҳида 8-синфгача таълим олган, Воҳида ва Саида эса мактабни тугатмаган, рақс билан шуғулланган. Уларнинг отаси тўсатдан вафот этгани сабаб катта опаларини турмушга бериб юборишган ва Покистонга кўчиб кетган.
Димпл Кападия ва синглиси Симпл Кападия
Димплнинг синглиси Симпл илк бор «Сизга мурожаат қиляпман» фильмида поччаси Ражеш Кҳанна билан бирга суратга тушган. Кейин Житендра билан бирга ҳамкорлик қилган. Аммо карьера борасида унчалик омади чопмаган. Актрисалик у учун эмаслигини тушуниб етган Симпл либослар рассоми сифатида фаолиятини давом эттирган. У Санни Деол, Табу, Амрита Сингх, Шридеви ва Приянка Чопра сингари машҳурлар учун образ яратган.
Изоҳ (0)