Миллионлаб топилган маблағларни бир зумда кўкка совурганидан кейин молиявий аҳволи танг бўлиб қолган машҳурлар ҳақида маълумот бериб ўтамиз.
Майк Тайсон
Спортчи карьераси давомида 400 миллион доллар пул топган. Ойига 400 минг доллар сарфлайдиган Тайсон учун бу маблағ етарли бўлмаган. 2003 йилда Майк банкрот бўлганини эълон қилган, бу вақтда унинг қарзи 23 миллион долларни ташкил қилган.
Памела Андерсон
2008 йилда Памеланинг молиявий аҳволи танг ҳолатга келиб қолган. Юлдуз қурилиш фирмасидан 3 миллион доллар қарздор бўлган.
Крис Tакер
2007 йилда экранларда кўринмай қолган Крис клубларда чиқиш қила бошлаган ва ҳатто фильм суратга олишни мўлжаллаган. 2010 йилда 11,5 миллион доллар миқдорида солиқ тўламагани сабаб судга берилган.
Линдси Лохан
2013 йилда Лохан ойига 6 минг долларни ташкил қиладиган коммунал тўловларни тўлай олмагани сабаб Беверли-Хиллздаги ишидан воз кечишига тўғри келган. Судма-суд юрган актриса спиртли ичимликлар ва наркотик воситаларга ружу қўйган ва реабилитация марказида даволанишига тўғри келган. Шундан кейин Лохан кинога қайтишга қарор қилган, аммо суратга тушган «Лиз ва Дик» ва бошқа фильмлари муваффақиятли чиқмаган.
Кортни Лав
Nirvana гуруҳининг аъзоси Курт Кобейннинг беваси, сўнгги бир неча йил эридан қолган пуллар ҳисобига яшаган. Кортни 2014 йилда берган интервьюда 29 миллион долларни кўкка совургани ва пулнинг асосий қисми суд жараёнига кетганини таъкидлаган.
50 Cent
2015 йилда рэпер 50 миллион доллар қарзи борлиги сабаб ўзини банкрот деб эълон қилган. Қизиғи шундаки, 2014 йили қўшиқчи Forbes’нинг энг бадавлат кишилари рўйхатидан ўрин олган ва унинг молиявий аҳволи 150 миллион доллар, деб баҳоланган. Аммо кейинроқ унинг ўзи бойлиги иллюзия экани, аслида эса ҳисобида 4 миллион доллар борлигини маълум қилган.
Брендан Фрэйзер
2013 йилда «Мўмиё» юлдузи 2007 йилдан буён собиқ рафиқасига тўлаб келадиган алимент миқдорини камайтиришни сўраб судга мурожаат қилган. Актёр сўнгги пайтда унга қилинаётган таклифлар кам эканини айтиб, йилига 900 минг доллар тўлаш оғирлик қилаётганини билдирган. Бунга жавобан рафиқаси уни даромадини яшираётганликда айблаган.
Николас Кейж
1996 йилдан 2011 йилгача 150 миллион миқдорда пул ишлаб топган Кейж босар-тусарини билмай қолган ва пулини кўкка совурган. 15 та уй, 300 миллионга хусусий самолёт, 4 та яхта ва ўттизта мотоцикл ва 9 та машина сотиб олган. Бу ҳали ҳаммаси эмас, бир маротаба актёр 276 минг долларга динозаврнинг бош суягини сотиб олган. Бора-бора пулни аямасдан сарфлаши молиявий аҳволи ёмонлашишига олиб келган. Шундан кейин ҳамма таклифларни қабул қилишига ва бир мартадан кўп томоша қилиб бўлмайдиган фильмларда суратга тушишига тўғри келган.
Женис Дикинсон
2013 йилда Женис банкрот эканини маълум қилган. Унинг қарзи 1 миллионни ташкил қилган бўлиб, ундан ярми солиқларни ўз вақтида тўламагани ҳисобига йиғилиб қолган. Шунингдек, собиқ супермодель Калифорниядаги косметика ва пластик жарроҳликка ихтисослашган клиникадан катта миқдорда қарздор бўлиб қолган.
Изоҳ (0)