Дубай амирлиги коронавирус пандемияси сабабли 31 январдан бошлаб хорижий сайёҳлар учун кириш қоидаларини кучайтиришга қарор қилди. Бу ҳақда амирлик ҳукумати матбуот хизмати пайшанба куни Twitter’да маълум қилди, деб хабар беради «ТАСС» агентлиги.
Янги қоидаларга кўра, Дубайга келган барча чет эл фуқаролари сўнгги 72 соатда олинган ПЗР тестининг манфий натижаси қайд этилган сертификат тақдим этишлари керак. Аввалроқ саёҳатдан 96 соат олдин тестдан ўтишга рухсат берилганди.
«Дунёнинг исталган мамлакатларидан Дубайга келган саёҳатчилар олдиндан ПЗР синовидан ўтиши лозим. Айрим давлатлардан келганлар (COVID-19 ҳолатига қараб) Дубайда қўшимча синовлардан ўтишлари керак бўлади. ПЗР синовларининг амал қилиш муддати 96 дан 72 соатгача қисқартирилди», – дейилади матбуот хизмати хабарида.
Сўнгги маълумотларга кўра, эпидемия бошланганидан бери амирликда 293 мингдан ортиқ кишида коронавирус аниқланган. Беморларнинг 819 нафари вафот этган, 267 мингдан ортиқ бемор тузалган.
Изоҳ (0)