Ўзбекистондаги вилоят ҳокимлари 2021 йилнинг январь ойи ўрталарида босқичма-босқич қисқа муддатли таътилга чиқишни бошлагани тўғрисида хабар берилганди. Блогер Davletovuz’нинг ёзишича, таътиллар учун кетадиган харажатлар давлат бюджети ҳисобидан қопланган.
Туманлар ҳокимларининг ижтимоий тармоқларда тарқалган қарорларининг суратларига кўра, ҳокимларнинг санаторийларда даволаниши учун маблағлар туман маҳаллий бюджетининг 2021 йил захира жамғармаси маблағлари ҳисобидан ажратилмоқда.
Таъкидланишича, ҳар бир раҳбарнинг таътили учун 7 миллион сўм атрофида маблағ сарфланган.
Масалан, Уйчи тумани ҳокимининг «Чинобод Плаза» санаторийсида даволанишига 7,3 миллион ажратилган. Шунингдек, бу каби йўлланмадан бирини Учқудуқ тумани ҳокимлиги, яна тўрттасини Қорақалпоғистон Республикаси Вазирлар Кенгаши ҳам олган.
Эслатиб ўтамиз, Президент Шавкат Мирзиёев ҳам 2021 йил 4 январдан қисқа муддатли меҳнат таътилига чиқиб,11 январда таътилдан қайтганди.
Маълумот учун, Ўзбекистондаги амалдаги қонунчиликка кўра вилоят ҳокимлари ҳукумат қошидаги тиббиёт бош бошқармаси рўйхатида туради. Уларга зарур ҳолатларда тиббий диагностика қилиш, даволаш, умуман олганда, уларнинг саломатлигини муҳофаза қилиш мазкур бошқарма зиммасида.
Изоҳ (0)