Энергетика вазири раислигида 27 январь куни ўтказилган кенгайтирилган йиғилишда Фарҳод Абдураҳмонов «Иссиқлик электр станциялари» АЖ бошқарув раиси этиб тайинланди. Бу ҳақда Энергетика вазирлиги хабар берди.
Маълумотларга кўра, Фарҳод Абдураҳмонов ўз фаолиятини 2004 йилда «Фарғона иссиқлик электр маркази» акциядорлик жамиятида бошлаган, у ушбу корхонада турли лавозимларда ишлаган, 2015 йилдан буён акциядорлик жамиятининг бош директори лавозимида фаолият юритиб келаётган эди.
Эслатиб ўтамиз, бунга қадар «Иссиқлик электр станциялари» АЖда бошқарув раиси лавозимида 2019 йилдан буён Руслан Мубаракшин ишлаб келаётган эди.
Шунингдек, Абдуҳамид Жўраев «Иссиқлик электр станциялари» АЖ бошқарув раисининг Иқтисодий масалалар бўйича ўринбосари этиб тайинланган.
Абдуҳамид Жўраев бунга қадар «Ўзбекистон миллий электр тармоқлари» АЖ Иқтисодиёт ва молия бош бошқармаси бошлиғи лавозимида ишлаб келаётган эди.
Изоҳ (0)