Президент Шавкат Мирзиёев раислигида 27 январь, чоршанба куни ўтказилган видеоселектор йиғилишида давлат раҳбари ёшлар муммоларини «маҳаллабай» ўрганиб, ҳал этиш бўйича тизим яратилишини таъкидлади, дея хабар бермоқда «Дарё» мухбири.
«Биз ёшларга қулоқ солмадик, дардини эшитмадик, улар билан дўст бўлмадик. Уларни эшитадиган тизим ва имконият йўқлиги учун кўплаб ёшлар адашиб, нотўғри йўлга кириб кетди. Бу — бизнинг айбимиз.
Ёшлар ишлари агентлигини туздик, ҳокимларга ёшлар билан ишлаш бўйича ўринбосар лавозимини жорий қилдик. Аммо улар ҳали биз кутган натижаларни бермаяпти.
Эндиликда ёшлар муммоларини ‘маҳаллабай’ ўрганиб, ҳал этиш бўйича тизим яратамиз. Ҳамма амалдорлар — вазирлар, ҳокимлар, сектор раҳбарлари ва бошқа масъул раҳбарлар ёшларнинг кўнглидаги дарди ва таклифини тинглайди, уларга амалий ёрдам беради», — деди Президент.
Мавзуга доир:
- «2021 йилда 500 минг нафар ўқувчи ва 100 минг нафар талабани ички туризмга жалб қиламиз» – Шавкат Мирзиёев
- Шавкат Мирзиёев: «‘Ёшлар дафтари’га кирган 100 минг нафар йигит-қиз ҳафталик ўқув курсларида ўқитилади»
- Шавкат Мирзиёев: «Туман сектор раҳбарлари ҳафтанинг икки кунини фақат ёшлар муаммоларини ҳал этишга ажратади»
- Шавкат Мирзиёев Ўзбекистондаги 18-30 ёшлилар орасидаги расмий ишсизлар сонини маълум қилди
Изоҳ (0)