Канаданинг Horizon Aircaft компанияси вертикал равишда кўтарилишга қодир Cavorite Х5 учар автомобилининг тақдимотини ўтказди, деб хабар беради «Korrespondent.net».
Мазкур транспорт воситаси 16 та паррак билан жиҳозланган бўлиб, беш нафар йўловчини ташишга мўлжалланган. Cavorite Х5’нинг гибрид мотори 500 километргача парвозни амалга оширишга имкон беради. Максимал тезлиги соатига 350 километрга етади.
Йўловчиларсиз учар автомобиль 1000 километр масофани босиб ўтиши мумкин. Бу турдаги автомобилларни ишлаб чиқаришни 2024 йилдан бошлаш режалаштирилмоқда.
Аввалроқ Москвада бир марта қувватланиш орқали 100 километр йўл боса оладиган ҳаво таксиси синовдан ўтказилаётгани тўғрисида хабар берилганди.
Изоҳ (0)