Футбол бўйича БАА Лига Кубогининг чорак финал жавоб ўйинида «Шабоб ал-Аҳли» 26 январь, сешанба куни «Хор Факкан»ни қабул қилди.
Учрашувда майдон эгалари рақиб дарвозасини жавобсиз беш бор ишғол қилди. Биринчи дақиқадаёқ Азиз Ғаниев рақиб жарима майдони ёнида тўпни олиб қўйди ва Игор Жезусни қулай вазиятга олиб чиқди, бразилиялик футболчи имкониятни кўкка совурмади. Танаффусга қадар мезбонлар яна иккита гол урди.
80-дақиқада Ғаниевнинг қойилмақом узатмасидан кейин Аҳмад ал-Ҳашми жамоасининг тўртинчи голини урди. орадан кўп ўтмай Саид Аҳмад якуний ҳисобни ўрнатди — 5:0. Азиз Ғаниев мазкур ўйинда тўлиқ иштирок этди.
Шу тариқа дубайликлар икки ўйин натижасига кўра 9:2 ҳисобини қайд этган ҳолда ярим финалга йўл олди.
БАА Лига Кубоги
Чорак финал баҳси
26 январь, сешанба
«Шабоб ал-Аҳли» — «Хор Факкан» 5:0
Голлар: 1:0 – 1 Игор Жезус, 2:0 – 43 Карлос Эдуарду, 3:0 – 44 Муҳаммад Жума, 4:0 – 80 Аҳмад ал-Ҳашми, 5:0 – 85 Саид Аҳмад.Илк ўйин — 4:2
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)