Абу-Дабида (БАА) бўлиб ўтган UFC 257 мусобақасидан кейин Невада спорт комиссияси одатга кўра турнир иштирокчиларга тиббий четлатишларни қўллади.
Унга кўра мусобақанинг асосий кардида иштирок этган ўзбекистонлик Маҳмуд Муродов (25-6) 1 ой (30 кун) давомида жангларда иштирок эта олмайди. Сабаб сифатида унинг оғир жанг ўтказганлиги кўрсатилган.
Муродовнинг рақиби Эндрю Санчес (12-6) эса бурун ва болдир суяклари синиши сабаб 180 кун давомида жанг қилмаслиги белгиланди.
Маҳмуд Муродов ва Эндрю Санчес ўртасидаги жангни бу ерда томоша қилиш мумкин — видео.
Эслатиб ўтамиз, Муродов америкалик рақибини 3-раундда нокаутга учратиб, промоушендаги кетма-кет учинчи ғалабасини қўлга киритди.
Изоҳ (0)