Aziz G‘aniyev 2 ta golli uzatma amalga oshirgan o‘yinda “Shabob al-Ahli” yirik hisobda g‘alaba qozondi va BAA Liga Kubogi yarim finaliga chiqdi
Futbol bo‘yicha BAA Liga Kubogining chorak final javob o‘yinida “Shabob al-Ahli” 26-yanvar, seshanba kuni “Xor Fakkan”ni qabul qildi.
Uchrashuvda maydon egalari raqib darvozasini javobsiz besh bor ishg‘ol qildi. Birinchi daqiqadayoq Aziz G‘aniyev raqib jarima maydoni yonida to‘pni olib qo‘ydi va Igor Jezusni qulay vaziyatga olib chiqdi, braziliyalik futbolchi imkoniyatni ko‘kka sovurmadi. Tanaffusga qadar mezbonlar yana ikkita gol urdi.
80-daqiqada G‘aniyevning qoyilmaqom uzatmasidan keyin Ahmad al-Hashmi jamoasining to‘rtinchi golini urdi. oradan ko‘p o‘tmay Said Ahmad yakuniy hisobni o‘rnatdi — 5:0. Aziz G‘aniyev mazkur o‘yinda to‘liq ishtirok etdi.
Shu tariqa dubayliklar ikki o‘yin natijasiga ko‘ra 9:2 hisobini qayd etgan holda yarim finalga yo‘l oldi.
BAA Liga Kubogi
Chorak final bahsi
26-yanvar, seshanba
“Shabob al-Ahli” — “Xor Fakkan” 5:0
Gollar: 1:0 – 1 Igor Jezus, 2:0 – 43 Karlos Eduardu, 3:0 – 44 Muhammad Juma, 4:0 – 80 Ahmad al-Hashmi, 5:0 – 85 Said Ahmad.Ilk o‘yin — 4:2
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!
