Ҳозирда уларни машҳур қилган роллари туфайли танийдиганлар талайгина. Аммо юлдузларнинг истеъдодлари болалигида, ҳаттоки келажакдаги касби ҳақида ўйламаган вақтидаёқ намоён бўлган.

Кристен Данст

Фото: Cosmopolitan

Актриса ўз карьерасини 7 ёшида бошлаган. 1989 йилда у режиссёрлар Вуди Аллен, Фрэнсис Форд Коппола ва Мартин Скорсезе томонидан суратга олинган «Нью-Йорк ҳикоялари» фильмида рол ижро этган. Шунингдек, Ўргимчак одам ҳақидаги учта фильмда ҳам иштирок этган.

Кристен Стюарт

Фото: Cosmopolitan

Кристен 9 ёшга тўлганида унга «Ўн учинчи йил» фильмида суратга тушиш таклиф қилинди. Актрисага машҳурлик келтирган роли − «Сумерки» картинасидаги Белла образидир.

Райан Рейнолдс

Фото: Cosmopolitan

1991 йилда актёр ажрашган оилаларда гиёҳвандликка берилиб кетаётган ўспиринлар ҳақидаги «Ўн беш» телесериалида роль ижро этган. Ўша вақтда актёр 15 ёшда бўлган. Кейинчалик у Дедпул роли билан машҳурликка эришган.

Леонардо Ди Каприо 

Фото: Cosmopolitan

Актёр илк бора 5 ёшида экранларда кўриниш берган. 1979 йилда у «Romper Room and Friends» болалар дастурида иштирок этган. Бир неча йил ўтгач «Ўсиш муаммолари» ва «Янги Лесси» сериалларининг юлдузига айланган. Эндиликда актёрга омад келтирган ўнлаб фильмлар мавжуд.

Натали Портман

Фото: Cosmopolitan

Актриса 13 ёшида илк дебютини ижро этган. У Люк Бессоннинг «Леон» фильмида Матилда образида гавдаланган. Сўнгра «Қора оққуш» фильмидаги бош роли учун «Оскар» мукофотига сазовор бўлган.

Кристиан Бэйл

Фото: Cosmopolitan

Актёр 12 ёшида «Анастасия: Аннанинг сирлари» сериалининг юлдузига айланган. 2011 йилда у «Жангчи» фильмидаги иккинчи даражали роли учун «Оскар» мукофотини қўлга киритган.

Риз Уизерспун

Фото: Cosmopolitan

1991 йилда 15 яшар Риз «Ойдаги одам» фильмида кичик ролларнинг бирини ижро этган. У «Чизиқни кесиб ўтиш» фильмидаги ижроси учун «Оскар» мукофоти билан тақдирланган.

Хоакин Феникс

Фото: Cosmopolitan

У «Етти биродарга етти келин» фильмида роль ижро этганида 7 ёшда эди. Кейинчалик «Гладиатор» ва «Жокер» фильмлари билан танилган.

Райан Гослинг

Фото: Cosmopolitan

Унинг карьераси 14 ёшида «Сиз зулматдан қўрқасизми?» сериали билан бошланган. Шунингдек, «Ла Ла Ланд» фильмидаги ижроси учун «Оскар» мукофотига номзод бўлган.

Элайжа Вуд

Фото: Cosmopolitan

Элайжа 8 ёшида бирданига 3 та фильмда роль ўйнаган. Ҳозирда унинг энг машҳур роли «Узуклар ҳукмдори»даги Фродо Беггинс образидир.