Президент Шавкат Мирзиёев Бухоро вилояти ҳокими лавозимига тасдиқланган Ботир Зариповга билдирилган «ишонч ҳар доим қулоғи остида туриши» кераклигини уқтирди. Бу ҳақда Президент матбуот хизмати хабар бермоқда.
Халқ депутатлари Бухоро вилояти кенгашининг 22 январь куни бўлиб ўтган навбатдан ташқари 25-сессиясида номзоди президент томонидан тавсия қилинган Ботир Зарипов Бухоро вилояти ҳокими лавозимига тасдиқлангани ҳақида хабар берилган эди. Зарипов 2020 йил 7 ноябрдан бери вилоят ҳокими вазифасини бажарувчи эди.
«Бухорои шарифдек жойга, унинг буюк халқига раҳбар бўлиш ҳаммага ҳам насиб этмайди. Ана шу ишонч доим қулоғингиз остида турсин. Кунлар, йиллар шиддат билан ўтади. Агар бухороликлар ‘вилоятимизга тўғри кадр келган экан’, деб рози бўлса, мен ҳам ўзимни бахтиёр сезаман», — дея Мирзиёевнинг сўзларидан иқтибос келтирмоқда президент матбуот хизмати.
Хабар беришларича, йиғилиш давом этмоқда.
Изоҳ (0)