Капитолийдаги пальтолар паради: Америкадаги энг бадавлат кишиларнинг рафиқалари маросимга қандай кийимда ташриф буюрди?

2021 йилнинг 20 январь куни Вашингтонда АҚШнинг 46-президенти Жо Байденнинг инаугурацияси бўлиб ўтди. Капитолийдабўлиб ўтган маросимга нафақат сиёсатчилар, балки АҚШнинг энг машҳур кишилари ташриф буюрди. Ҳаво ҳароратининг совуқ бўлгани сабаб хонимларнинг образига устки кийимларига қараб баҳо бериши мумкин.

Американинг биринчи хоними Жилл Байден оч кўк устки кийим билан худди шу рангдаги ниқоб таққан.

Байденни табриклаш учун эр-хотин Клинтон ва Бушларнинг келганини кўриш мумкин. Хиллари Клинтон тўқ сиёҳранг пальто билан қора ниқоб таққан. Лаура Бушнинг образи эса Жилл Байденникига ўхшаб кетган.

Мишель Обама устки кийим борасида қоматга урғу берадиган, шим ва водолозкасига мос пальто танлаган.

АҚШ вице-президенти Камала Харрис турмуш ўртоғи Дуг Эмхофф билан биргаликда ташриф буюрган ва муҳим маросимда образи эсда қоларли бўлиши учун кўк пальто кийишни маъқул билган.

Камала Харриснинг ўгай қизи Элла эса маросимга сипо ва оддий устки кийимни танлаган.

Ташриф буюрганлар орасида шоу-бизнес вакилларидан Леди Гага ва Женнифер Лопесни учратиш мумкин. Леди Гага АҚШ мадҳиясини куйлаган. Жей Ло эса «This land is your land» қўшиғини ижро қилган.

Леди Гага аввалига оқ пальтода бўлган, аммо чиқиш қилишидан аввал кийимини алмаштирган.

23 ёш эканига қарамай феминизм, ирқчилик ва шунга ўхшаш муҳим масалалар билан шуғулланадиган америкалик фаол ва шоира Аманда Горманнинг кийими энг эсда қоларли образлардан бири бўлган. У оқ блузка ва қора юбка устидан сариқ рангли пальто кийишни афзал билган. Аксессуар сифатида эса тошлар билан қопланган қизил ниқоб ҳамда атлас матодан тикилган худди шу рангдаги ободокни танлаган.

Сенатор Митч Макконнелл рафиқаси Элейн Чаи билан бирга қора рангда кийинган.

Майк Пенс ҳам рафиқаси Карен Пенс билан бирга қора рангда кийинишни афзал билган.