Kapitoliydagi paltolar paradi: Amerikadagi eng badavlat kishilarning rafiqalari marosimga qanday kiyimda tashrif buyurdi?

2021-yilning 20-yanvar kuni Vashingtonda AQShning 46-prezidenti Jo Baydenning inauguratsiyasi bo‘lib o‘tdi. Kapitoliydabo‘lib o‘tgan marosimga nafaqat siyosatchilar, balki AQShning eng mashhur kishilari tashrif buyurdi. Havo haroratining sovuq bo‘lgani sabab xonimlarning obraziga ustki kiyimlariga qarab baho berishi mumkin.

Amerikaning birinchi xonimi Jill Bayden och ko‘k ustki kiyim bilan xuddi shu rangdagi niqob taqqan.

Baydenni tabriklash uchun er-xotin Klinton va Bushlarning kelganini ko‘rish mumkin. Xillari Klinton to‘q siyohrang palto bilan qora niqob taqqan. Laura Bushning obrazi esa Jill Baydennikiga o‘xshab ketgan.

Mishel Obama ustki kiyim borasida qomatga urg‘u beradigan, shim va vodolozkasiga mos palto tanlagan.

AQSh vitse-prezidenti Kamala Xarris turmush o‘rtog‘i Dug Emxoff bilan birgalikda tashrif buyurgan va muhim marosimda obrazi esda qolarli bo‘lishi uchun ko‘k palto kiyishni ma’qul bilgan.

Kamala Xarrisning o‘gay qizi Ella esa marosimga sipo va oddiy ustki kiyimni tanlagan.

Tashrif buyurganlar orasida shou-biznes vakillaridan Ledi Gaga va Jennifer Lopesni uchratish mumkin. Ledi Gaga AQSh madhiyasini kuylagan. Jey Lo esa “This land is your land” qo‘shig‘ini ijro qilgan.

Ledi Gaga avvaliga oq paltoda bo‘lgan, ammo chiqish qilishidan avval kiyimini almashtirgan.

23 yosh ekaniga qaramay feminizm, irqchilik va shunga o‘xshash muhim masalalar bilan shug‘ullanadigan amerikalik faol va shoira Amanda Gormanning kiyimi eng esda qolarli obrazlardan biri bo‘lgan. U oq bluzka va qora yubka ustidan sariq rangli palto kiyishni afzal bilgan. Aksessuar sifatida esa toshlar bilan qoplangan qizil niqob hamda atlas matodan tikilgan xuddi shu rangdagi obodokni tanlagan.

Senator Mitch Makkonnell rafiqasi Eleyn Chai bilan birga qora rangda kiyingan.

Mayk Pens ham rafiqasi Karen Pens bilan birga qora rangda kiyinishni afzal bilgan.