Машҳурлар кўпинча фильм ёки сериалларда суперқаҳрамон ролини ўйнашига тўғри келади. Аммо уларнинг орасида ҳаётда ҳам қаҳрамонларча ёрдам беришга шай бўлганлар йўқ эмас.
Леонардо Ди Каприо
Актёр 2020 йилнинг 30 декабрь куни дугонаси Камила Морроне ва дўстлари билан Кариб оролларидаги яхтада дам олаётган вақт кемадан йиқилиб тушган йўловчи қидирлаётгани ҳақидаги фавқулодда чақирувни эшитган ва уни қидириб йўлга тушган. Ди Каприонинг яхтаси ўша ҳудуддаги ягона кема бўлган. Йўқолган йўловчини қуёш ботишидан бир соат олдин топишга муваффақ бўлишган.
Бенедикт Камбербетч
Рафиқаси билан бирга таксида кетаётган Бенедикт машина ойнасидан велосипедчи-курьерга 4 нафар босқинчи ҳамла қилганига гувоҳ бўлган. Эркакнинг бошига бутилка уриб синдирилганига жим қараб туролмаган актёр машинадан тушиб уни ҳимоя қилишга киришган. Зўравонлар унга дағдаға қилишга киришган бир вақтда такси ҳайдовчиси ёрдамга ошиққан ва қизиғи шундаки, ушбу ҳодиса тўқима қаҳрамон Шерлок Ҳолмснинг Бейкер-стритдаги уйи ёнида юз берган. Ҳайдовчи актёрнинг қўрқмаслигидан ҳайратда қолган. Бенедиктнинг ўзи эса буни қаҳрамонлик деб ҳисобламаслиги, шунчаки бурчини бажарганини билдирган.
Том Круз
1996 йилда актёр Санта-Моникада 23 яшар қизни машина уриб кетганига гувоҳ бўлган. Тез ёрдамга қўнғироқ қилган Круз тиббиёт ходимлари етиб келгунича жойидан жилмаган. Жабрланувчининг тиббий суғуртаси йўқлигини билганидан кейин эса ўз чўнтагидан 7000 доллар тўлаган. Бу ҳали ҳаммаси эмас. Орадан йиллар ўтиб яна бир марта жонбозлик кўрсатган. Қўшни аёл машинадан тушганида зўравонлар уни ўраб олиб 153 минг долларлик тақинчоқларини юлиб, олиб кетмоқчи бўлган. Шу вақт Том қўриқчилари билан бирга пайдо бўлган ва зўравонларни ҳайдаб юборган.
Шаҳзода Гарри
2012 йилда бўлиб ўтган поло бўйича хайрия мусобақасида Гаррининг рақибларидан бири от устидан йиқилиб, ҳушини йўқотган. Гарри бунга жим қараб турмаган ва армияда хизмат қилган вақти ўргангани сингари дарҳол биринчи ёрдам кўрсатган.
Жерард Батлер
Шотландия қасрларидан бирининг ёнида пикник қилиб ўтирган Жерард кимнингдир ёрдам сўраб бақираётганини эшитиб қолган. Югуриб борган Батлер бегона боланинг дарёда чўкиб кетаётганини кўрган ва ўзини сувга ташлаб болани қутқариб қолган. Қилган қаҳрамонлиги учун Батлер, Шотландиянинг қироллик жамияти томонидан Довюраклик сертификатини қўлга киритган.
Кейт Уинслет
2012 йилда актриса оиласи билан бирга Буюк Британиянинг энг бой фуқароларидан бири Ричард Бренсоннинг Кариб оролларидаги уйида меҳмон бўлган. Аммо ярим тун вақти чақмоқ ургани сабаб уйда ёнғин содир бўлган. Бу вақтда уйда 20 киши бўлган ва Кейт, Бренсоннинг 90 яшар онасини қутқариб қолган.
Клинт Иствуд
Иствуд 2014 йилдаги хайрия зиёфатида нафас йўлига пишлоқ бўлаги тиқилиб қолган Стивни Геймлих усули орқали қутқариб қолган. 83 ёшда бўлган Иствуд тахминан 100 кило оғирликдаги кишини кўтариб, нафас йўлига тиқилиб қолган пишлоқни чиқариб юборишга ҳаракат қилган ва унинг ҳаётини сақлаб қолган.
Мавзуга доир:
Изоҳ (0)