Тўғри макияж гўзаллик ва ўзига хосликка урғу беради. Нотўғриси эса образни муваффақиятсиз чиқишига, юздаги камчиликларни кўзга ташланишига сабабчи бўлади.
Эмили Ратаковски
Моделнинг кўзлари жуда ҳам чиройли, шунчаки унга макияж билан урғу бериш керак холос. Аммо биринчи суратдаги ранг Эмилига мос келмагани ва макияж омадсиз чиққанини кўриш мумкин. Кул ранг тень ва подводка эса унинг ҳуснига ҳусн қўшган.
Марго Робби
Робби ҳам тренддан ортда қолишни истамасдан график макияжни синаб кўрган, аммо муваффақиятли чиқмаган. Нотўғри макияж сабаб унинг юзи касалларникига ўхшаб қолган. Бунинг ўрнига оч жигарранг тендан фойдаланганида образи тамоман бошқача чиқарди.
Селена Гомес
Суратдаги ялтироқ макияж Селенанинг энг омадсиз образларидан бири бўлган. Ундаги кул ранг тень ва тилларанг блесклар умуман бир-бирига мос тушмаган, камига бронзердан фойдалангани хонандани қуёш нурида куйиб кетгандек кўрсатиб қўйган.
Кира Найтли
Киранинг кўзлари катта бўлмагани сабаб визажистлар асосан унга smoky eye услубида макияж қилади. Шунга қарамай, подводканинг тўғри сурилмагани ҳисобига биринчи суратда кўзлари икки карра кичик кўриниб қолган.
Скарлетт Йоханссон
Гўзал актрисани нотўғри макияж кўнгилдагидек кўринмаслигига сабабчи бўлган. Агар қора қалам ўрнига оч қалам билан кўзининг ички бурчагига урғу берганида образи янада чиройли кўринган бўларди.
Леди Гага
Қўшиқчининг кўзлари бодомсимон эканига қарамай, кўпинча макияж сабаб аслидан кичик ва думалоқ кўринади. Кўзининг тагига ёрқин тень суртганида кўзларига янада урғу берган бўларди.
Жасмин Сандерс
Оч яшил тенни бутун қовоғига суртиб, ташқи томонига оч жигар рангдан фойдалангани Жасминнинг образини мукаммал чиқмаслигига сабаб бўлган. Бундай макияж билан нафақат хастага ўхшаб кўриниб қолган, балки кўзи остидаги кўкаришлар янада кўзга ташланган. Иккинчи суратда эса худди шу яшил тендан фойдаланиб, қовоқнинг четига тўқ ранг суртгани эса ўзига жуда ҳам ярашган ва кўзларини катта-катта кўрсатган.
Изоҳ (0)