Шавкат Мирзиёев 15 январь, жума куни Тошкент марказидаги Ислом Каримов кўчасида Олий Мажлис Сенатининг янги (собиқ ТИВ) биносини кўздан кечирди, деб хабар бермоқда Президент матбуот хизмати.
Лойиҳага кўра, 6 қаватли эски бино тубдан реконструкция қилиниб, қўшимча объектлар қурилади. Бугунги кунда муҳандислик тармоқлари монтаж қилинмоқда.
Янги бинода Олий Мажлис палаталарининг қўшма мажлисини ўтказиш учун 280 ўринли зал ташкил этилмоқда. У миллий нақшлар билан безатилган бўлади.
«Парламентимиз фаол ишлаяпти. Мажлислар пайтида битта қонун лойиҳаси соатлаб муҳокама қилинади. Шунинг учун иштирокчиларнинг ҳаракатланиши, саломатлиги, ёши билан боғлиқ ҳар бир жиҳатни эътиборга олиш, шунга яраша қулайлик яратиш зарур. Залга қуёш нури тушиб турса, кайфиятга, ишга яхши таъсир қилади», — деган Шавкат Мирзиёев.
Янги бинода, шунингдек, делегациялар билан учрашувлар, матбуот анжуманлари, ОАВ вакиллари учун ҳам барча шароитлар яратилади.
Изоҳ (0)