Олий Мажлис депутатлари 15 январь, жума куни Инсон ҳуқуқлари бўйича вакил (Омбудсман) этиб Феруза Эшматовани сайлади. Бу ҳақда парламент қуйи палатаси матбуот хизмати хабар берди.
Тайинловга қадар у Олий Мажлис Сенатининг Хотин-қизлар ва гендер тенглик масалалари қўмитаси раиси вазифасида фаолият юритган. Феруза Эшматова 1979 йил Қашқадарё вилоятида туғилган. 2000 йилда Жаҳон иқтисодиёти ва дипломатия университетини тамомлаган. Юридик фанлар доктори.
Омбудсман 5 йил муддатга сайланади. Вакил лавозимига номзод Президент томонидан киритилади. Энди номзод Сенат томонидан тасдиқланиши лозим. 2015 йилнинг май ойидан буён Омбудсман лавозимини Улуғбек Муҳаммадиев эгаллаб келаётганди.
Изоҳ (0)