Тошкент метрополитени мол-мулкига зарар етказиш ҳолатлари кузатилмоқда, дея маълум қилинган шаҳар ҳокимлиги тайёрлаган видеода.
Қайд этилишича, нисбатан яқинда ишга туширилган «Юнусобод» бекати ўриндиқлари қирилганига гувоҳ бўлиш мумкин. Сергели йўналишидаги бекатларда телефон қувватлагичларнинг сими узилгани ва кесилганини кўриш мумкин.
«Метрополитендан фойдаланилаётган вақтда ҳар хил вазиятлар бўлмоқда. Ўриндиқларга ўткир тиғли буюмлар ва ручкалар билан чизиб кетишмоқда. Вагонларда ҳам турли ёзувларни кўриш мумкин.
Янги бекатларда аҳоли фойдаланиши учун ўрнатилган қувватлагичлардан нотўғри фойдаланилаётгани боис носоз ҳолга келмоқда. Фуқаролардан фойдаланилган нарсалардан бошқалар ҳам сифатли фойдаланишига имкон яратишларини илтимос қилиб қолардик», – дейди метрополитеннинг маркетинг бўлими ходими Илҳомжон Қосимов.
Аввалроқ Тошкент метросида узоқроқ масофага борган йўловчи кўпроқ пул тўлайдиган тартиб жорий этилиши ҳамда Тошкент метрополитенидаги поездларнинг ҳаракатланиш орасидаги вақт қисқаргани ҳақида хабар берилганди.
Изоҳ (0)