Италиянинг машҳур нашрларидан бири La Gazzetta dello Sport газетасининг битта саҳифаси ўзбекистонлик ҳужумчи Элдор Шомуродовга бағишланди.
«‘Женоа’ ўз Элдор...адосини топди» каби сўзлар билан бошланган мақолада Шомуродов ҳақида батафсил маълумот бериб ўтилган.
Материалда Элдорнинг ижтимоий тармоқда фаоллиги, Instagram’да 133 минг обуначиси борлиги таъкидланган. Шунингдек, «Женоа»нинг ўйинлари сўнгги вақтларда Ўзбекистон ва Россияда қизиқишга сабаб бўлаётгани айтилган.
«Элдор лигада жон сақлашга уринаётган генуяликларнинг сўнгги умиди ва ёрқин келажаги», — дейилади мақолада.
Мақолада Ўзбекистон ҳақида умумий маълумотлар, Шомуродовнинг собиқ клублари ва унинг «Женоа»даги статистикасига ҳам эътибор қаратилган.
ЎФА медия бўлими бошлиғи ва футбол шарҳловчиси Даврон Файзиевнинг хабар қилишича, La Gazzetta dello Sport Ўзбекистон терма жамоаси бош мураббийи Вадим Абрамов билан боғланиш ва ундан Шомуродов борасида фикр олиш борасида ЎФАга мурожаат қилган.
Eldorado — хазиналарга бой афсонавий шаҳар.
Мавзуга доир:
- Нобель Арустамян: Шомуродовнинг «Ювентус»га ўтиш эҳтимоли кам, бироқ унинг исми туринликлар клубида муҳокама қилингани аниқ
- Алексей Дурново: Элдор Шомуродовга «Женоа»да тенг рақобат бор, «Ювентус»да эса бундай бўлмайди
- Италия футболи бўйича эксперт: Элдор Шомуродовда «Ювентус» тизимига мос тушиш учун барча имконият бор
Ўзбекистонлик форвард «Женоа» сафида ҳозирга қадар 12 та ўйинда қатнашиб, 2 та гол урди ва 2 та голли узатмани амалга оширди.
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)