UFC президенти Дэйна Уайт енгил вазн тоифасида промоушен чемпиони Ҳабиб Нурмагомедовни октагонга қайтариш учун ҳаракат қилиб кўришини маълум қилди.
Мен Ҳабиб билан учрашаман. Ўйлашимча, у яна жанг қилиши керак. У Гэтжи билан нималар қилганини кўринг, ҳар бир рақибини қай аҳволга солганини эсланг.Эслатиб ўтамиз, 24 октябрь куни Абу-Дабидаги (БАА) «Жангчилар ороли»да бўлиб ўтган мусобақа асосий жангида Ҳабиб Нурмагомедов ва Жастин Гэтжи ўзаро тўқнаш келди. Унда россиялик спортчи иккинчи раундда рақибига бўғиш усулини қўллаб ғалаба қозонди. Жангдан кейин Ҳабиб фаолиятини якунлашини маълум қилди.У яна Конор билан жанг қилиши учун унга жиддий босим ўтказаман. Конорга бўлган шахсий қарашингиздан қатъи назар. Айни дамда Макгрегор ҳар сафаргидан-да диққатли.
Бу ўша аввалги Конорми ёки йўқ, билмайман, бироқ у кейинги йилда ўйинда бўлса, нега энди Конор — Ҳабиб жангини яна бир бор ўтказмаслигимиз керак?
Дэйна Уайт, UFC президенти
Шундан кейин Уайт бир неча бор Ҳабибнинг қайтишига ишончи комил эканини айтди.
Ҳабиб Нурмагомедов ва Конор Макгрегор ўртасидаги дастлабки жанг 2018 йилнинг октябрь ойида бўлиб ўтганди. Жангнинг тўртинчи раундида Ҳабиб рақибига оғритиш усулини қўллаб, ғалаба қозонганди.
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)