Тошкентнинг «Локомотив» футбол клуби бир нечта трансферни расман маълум қилди.
«Бунёдкор» футболчилари Ислом Қобилов ва Санжар Қодирқулов эндиликда фаолиятини «темир йўлчилар» сафида давом эттиради. Шунингдек, сўнгги икки мавсумни «Пахтакор»да ўтказган Садриддин Абдуллаев «Локомотив»га қайтган.
«Локомотив» ҳимоячи Қобилов билан икки йиллик шартнома имзолаган бўлса, ярим ҳимоячи Қодирқулов билан бир йиллик келишув имзоланган.
Аввалроқ португалиялик мутахассис Микаэл Секейра жамоа бош мураббийига айланганди.
Қобилов Суперлига 2020 йилги мавсумида 26 ўйин ўтказиб, битта гол муаллифига айланди. Санжар эса 25 ўйинда бир гол урди. Абдуллаев «Пахтакор»даги икки мавсум давомида 22 ўйинда қатнашди.
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)