Жиззах шаҳрининг Мустақиллик кўчасида қурилаётган кўп қаватли уйнинг бир қисми 10 январь куни соат тахминан 17:15 да қулаб тушди, дея хабар бермоқда Фавқулодда вазиятлар вазирлиги матбуот хизмати.
Бино олти қаватли бўлиб, дастлабки икки қавати нотурар жой, юқори тўрт қавати эса яшаш учун мўлжалланган, ҳали фойдаланишган топширилмаган. Бош прокуратуранинг қўшимча қилишича, бинонинг 240 квадрат метрдан иборат бўлган еттита хонадони қулаб тушган.
ФВВнинг ҳам, Бош прокуратуранинг ҳам қайд этишича, воқеа оқибатида тан жароҳати олган ва ҳалок бўлган фуқаролар йўқ. «Шундай бўлишига қарамай, ҳозирда қидирув-қутқарув ишлари олиб борилмоқда», — дейилади ФВВ ахборотида.
Жиззах вилояти ФВБ, ИИБ ва ССБ ходимлари воқеа жойига етиб келган, ҳолат ўрганилмоқда. Вилоят прокуратураси томонидан бинонинг қулаш сабабларини аниқлаш мақсадида терговга қадар текширув олиб борилмоқда.
Мавзуга доир:
- Қибрайда бетон заводининг 95 метрлик девори қулади, уч ишчи ҳалок бўлди
- Самарқандда «Ёшлар меҳнат гузари» биносининг бетон плиталари қулаши сабабларига аниқлик киритилди
- Жиззахда одамлар ўтирган аттракцион тепага кўтарилган пайтда синиб, ерга қулади (видео)
- Бухородаги 27 кунда битказилган бозорда бетон плита қулаб, 4 кишини жароҳатлади
- Деҳқонободдаги қурилишда бетон плита қулаб тушиши оқибатида 39 ёшли фуқаро вафот этди
- Навоийда бетон плита остида қолиб кетган қурувчи қутқариб олинди (видео)
- Қурилиш вазирлиги Жиззахдаги қурилишда арматурасиз томёпма плиталар ишлатилгани ҳақидаги хабарларга муносабат билдирди
Изоҳ (0)