Қозоғистонда 2020 йилда туғилган чақалоқларга қайси исмлар энг кўп қўйилгани маълум қилинди

Қозоғистон Миллий статистика бюроси маълумотига кўра, 2020 йилда туғилган аксарият ўғил болаларга Алихон деб исм қўйилган. Тенгринеwсънинг ёзишича, бундай исм қўйилган ҳолатлар 4577 тани ташкил қилган.

Қайд этилишича, Алихон исми 2014 йилдан бери қозоғистонликларнинг севимли исмлари рейтингида етакчилик қилмоқда.

Иккинчи энг машҳур исм — Ойсултон. 3320 нафар қозоғистонлик ота-она ўғилларига шу исмни қўйишга қарор қилган. Учинчи ўринда — Нурислом. 2020 йилда бундай исмли болалар 2904 нафарга кўпайди.

Кейинги ўринларда Амир (2314), Алдияр (2308), Алинур (2216), Али (2001), Рамазон — (1948), Арсен (1830), Санжар (1815) ўғил болалар исмлари етакчилик қилмоқда.

Қизлар учун энг машҳур исм Медина бўлди — 5403 нафар чақалоқ. Қизларнинг 4855 нафарига Айлин, 4588 нафарига Ряна деб исм қўйилган.

Шунингдек, 2020 йилда Айша (4500), Асилим (4366), Айзере (4293), Аяла (4247), Айим (3673), Томирис (3293) ва Аяру (3252) қозоғистонликларнинг энг севимли аёл исмлари бўлди.

Маълумот учун, Ўзбекистонда 2020 йил давомида янги туғилган чақалоқларга Муҳаммадали ва Солиҳа исмлари энг кўп қўйилган.