Бухорода умумий майдони майдони 9354 квадрат метр бўлган шаҳар маданият ва тарих музейи қурилиши кутилмоқда. Вилоят ҳокимлиги матбуот хизматининг хабар беришича, музей қадимий шарқона усулда гумбазсимон қилиб, яъни Ўзбекистонда мавжуд тарихий обидалар кўринишидаги уч-тўрт қаватли қилиб қурилади.
Музей Bukhara City замонавий ишбилармонлик ва турар жойлар марказида қад ростлаши кутилмоқда. Унда 6 та экспозициядан иборат Бухоро тарихи, табиати ҳамда тасвирий санъатини ўзида акс эттирган 125 мингга яқин экспонат ўрин олиши кўзда тутилган. Шунингдек, музей биносидан анжуманлар зали, фонд захира хоналари, фитобар, офислар ҳамда кутиш зали ташкил этилади.
Лойиҳа Туркиянинг Studio Vertebra компанияси меъмор-мутахассислари томонидан ишлаб чиқилган бўлиб, унинг умумий қиймати 6,9 миллион долларга баҳоланган.
Бухорода Bukhara City қурилиши ҳақида 2019 йилда маълум бўлганди. Бухоро шаҳрининг белгиланган ҳудудларида самарасиз фойдаланилаётган объектлар, бино ва иншоотлар эгаллаган жами 83 гектар майдонда қурилиши, унга 500 миллион доллар қийматидан ортиқ инвестиция жалб қилиниши ва бунинг эвазига 10 мингдан ортиқ янги иш ўринлари яратилиши айтилган.
Изоҳ (0)