Гулзода Рашидова акциядорлик тижорат «Халқ банки» бошқаруви раисининг аёллар тадбиркорлигини қўллаб-қувватлаш бўйича ўринбосари лавозимига тайинланди. Бу ҳақда банк матбуот хизмати хабар берди.
Лавозимга тайинлангунга қадар Гулзода Рашидова АТ «Халқ банки»нинг Тошкент вилояти Чирчиқ филиали бошқарувчиси лавозимида фаолият юритган.
Эслатиб ўтамиз, Гендер тенгликни таъминлаш масалалари бўйича комиссия раиси Танзила Норбоеванинг «Халқ банки» тизимда аёллар раҳбарлик лавозимларини эгаллашини маълум қилганди. «‘Халқ банки’ раисининг ўринбосари аёл киши бўлсин, деб топшириқ берилди. Ундан ташқари, вилоятлардаги ‘Халқ банки’ филиалларида раҳбар аёл киши бўлиши мумкин ёки уни ўринбосар, албатта, аёл киши бўлиши керак. Улар айнан аёллар тадбиркорлигига кредит ажратиш масалалари билан шуғулланади. Бу учун махсус линия очилган – Маҳалла ва оилани қўллаб-қувватлаш вазирлиги қошида фонднинг 100 миллиард сўм маблағи шу мақсадларда ишлатилади», – деган эди Танзила Норбоева.
Изоҳ (0)