Фарғона вилоятида дронлар ёрдамида аниқланган қоидабузар ҳайдовчиларга нисбатан маъмурий баённомалар расмийлаштириш бошланди. Бу ҳақда 7 январь куни вилоят ИИБ матбуот хизмати хабар берди.
Эслатиб ўтамиз, 1 январдан бошлаб Фарғона вилоятида йўл ҳаракати қоидаларига ва жамоат жойларида тиббий ниқоб режимига риоя этилиши устидан дронлар ёрдамида назорат ўрнатилган.
Ушбу қурилмалар ёрдамида кун-у тун патруллик ташкил этилиб, белгиланган тезликка, йўл чизиқларига, светофор ишораларига амал қилмаган, пиёдалар ўтиш жойларида пиёдаларга йўл бермаган ҳайдовчилар, шунингдек, жамоат жойларида тиббий ниқобдан фойдаланмаган ҳамда жамоат тартибини бузган фуқаролар томонидан содир этилган ҳуқуқбузарлик қайд этилади.
Аввалроқ Фарғонада йўл ҳаракати қоидабузарликларини қайд этувчи камералар ишга тушгани ҳамда Урганчдаги 4 та чорраҳага қоидабузарликларни қайд этувчи видеокузатув камералари ўрнатилгани ҳақида хабар берилганди.
Изоҳ (0)