Таъкидланишича, Ўзбекистонда сўнгги 10 кунда бери кузатилаётган сезиларли совуқ об-ҳавони Сибирдаги совуқ антитциклон периферияси белгилаб турибди. Бунда жуда юқори босимли майдон аномал совуқ ҳавони олиб келган.
«Бу вақтда кечалари -10...-5, шимол ва чўл зоналарида -17...-12 даражагача совуқ ҳарорат қайд этиляпти. Кундузлари -5…0 даража совуқ кузатиляпти. Бу ўртача кўп йиллик қийматлардан 10—12 даража паст. Ўртача кўрсаткичлардан паст ҳаво ҳарорати узлуксиз 10 кун давом этаётгани учун бу аномал ҳисобланади», — деди «Ўзгидромет» вакили.
Малоҳат Рўзиеванинг қайд этишича, Ўзбекистонда январда бундай совуқ, яъни 10—12 даража паст ҳавонинг кузатилиши олдинги йилларда ҳам кузатилган, бироқ «бу қадар давомий бўлмаган».
«Масалан, 2014 йил январь ойининг 11 кунида 6—8 даража совуқ кузатилган. 2008 йилда эса умумий январь ойида ҳарорат ўртача меъёрдан 7 даража паст бўлган. 2012 йилда қисқа муддатли совуқлар кузатилган. Бизда ҳозирги кунда кузатилаётган даражадаги совуқлар охирги 10 йилда қайд этилмаган. Яъни ҳозиргидай давомли, қор парчалари кристаллашган, булдуруқли ҳаво кузатилмаган. Шунинг учун ҳам аномал совуқ дедик», — деди у.
Мавзуга доир: Фото: Булдуруқистонга айланган Ўзбекистон
Изоҳ (0)