1980 йилларда машҳурликка эришган ҳинд актрисаларининг фарзандлари ҳам анча улғайиб, уларнинг айримлари ота-онасининг изидан кетган бўлса, яна баъзилари, умуман, бошқа касбни танлаган.
Шридеви ва унинг қизлари Жанви ва Ҳуши Капур
Шридеви 1980 йилларда супер юлдуз сифатида тан олинган биринчи актрисадир. Актрисанинг икки қизи ҳам санъат йўлидан боришга қарор қилди. Жанви 2018 йил «Юрак уриши» фильмида илк дебютини ижро этган.
20 яшар Ҳуши ҳам дебютга тайёргарлик кўрмоқда.
Амрита Сингх ва унинг фарзандлари: Сара Али Хон ва Иброҳим Хон
Актриса Саиф Али Хонга турмушга чиққанидан сўнг кино оламини тарк этган. Улар фарзандлари Сара ва Иброҳим Хон дунёга келганидан кейин 2004 йилда ажрашишга қарор қилган.
Сара Нью-Йоркдаги Колумбия университетини тугатди, лекин Ҳиндистонга қайтиб, ота-онасининг изидан юрди. Сара 25 ёшда бўлишига қарамай Болливуднинг энг истиқболли актрисаларидан бири ҳисобланади.
19 ёшга тўлган Иброҳим Хон ҳам ҳаётини кино билан боғлаш мақсадида Англияда таълим олмоқда.
Мадҳури Диксит ва унинг ўғиллари Эрин ва Райан
Мадҳури 1999 йилда АҚШда жарроҳ Шрирам Мадхав билан оила қурди ва Колорадо штатига кўчиб ўтганидан сўнг ўғли Эрин дунёга келган. Орадан икки йил ўтгач Райан туғилган.
Актрисанинг сўзларига кўра, Эрин хушчақчақ, мактабдаги турли тадбирларда иштирок этади. Барабан, табла ва пианино чалишни ва рақсга тушишни яхши кўради. Райан эса акасига қараганда анча тортинчоқ.
Жуҳи Чавла ва унинг фарзандлари Жанви ва Аржун Меҳта
Актриса дастлаб тадбиркор Жая Меҳта билан турмуш қурганини оммадан яширган. Ҳозирда уларнинг икки фарзанди бор. Уларнинг иккиси ҳам Британиядаги мактабда таҳсил олади.
Актрисанинг сўзларига кўра, қизи Жанви онасининг изидан юришни хоҳламайди, аксинча ёзувчи ёки журналист бўлишни орзу қилади.
Тина Муним ва унинг ўғиллари: Анмол ва Аншул
Тина 13 йил давомида муваффақиятли кино карьерасига эга. 1991 йилда турмушга чиққанидан сўнг кино оламини тарк этган. Актрисанинг ўғли Жай Анмол 1991 йил 12 декабрда дунёга келган. У Британиянинг Warwick бизнес-мактабида бакалавр даражасига эга. Анмол одамлар эътиборида бўлишни хоҳламайди, аммо ота-онаси билан тадбирларда фаол иштирок этади.
Жай Аншул 1996 йилда туғилган. У ҳам акаси сингари жамоат назарида бўлишини хоҳламайди ва ўзини сирли тутишга ҳаракат қилади. Шунингдек, Нью-Йорк бизнес-мактабида бошқарув бўйича илмий даражага эга. Мусиқани севади, ҳашаматли машина ва самолёт йиғиш Аншулнинг ёқтирган машғулоти ҳисобланади.
Рати Агнихотри ва унинг ўғли Тануж Вирвани
Актриса 1985 йилда тадбиркор ва меъмор Анил Вирвани билан оила қурган. Орадан бир йил ўтиб, уларнинг ўғли Тануж дунёга келган. Тануж 34 ёшда, у ҳам онаси каби кино санъатига меҳр қўйган. Режиссёрлик ва сценарий ёзишга қизиқади ва бир қанча ижтимоий аҳамиятга эга қисқа метражли фильмларни суратга олмоқда.
Падмини Колхапуре ва унинг ўғли Приянк Шарма
Падминининг ўғли Приянк 30 ёшни қарши олди. У ҳам кино санъати муҳитида ўсганлиги сабабли доимо фильмларга қизиқади. Ота-оналар ўғлининг қизқишларини қўллаб-қувватлайди. У АҚШ ва Лондондаги Кино институтларини тугатган ва бир қанча театр курсларида ҳам таҳсил олган. У ҳозирда режиссёр ёрдамчиси ва актёр сифатида фаолият юритади.
Изоҳ (0)