1980-yillarda mashhurlikka erishgan hind aktrisalarining farzandlari ham ancha ulg‘ayib, ularning ayrimlari ota-onasining izidan ketgan bo‘lsa, yana ba’zilari, umuman, boshqa kasbni tanlagan.
Shridevi va uning qizlari Janvi va Hushi Kapur
Shridevi 1980-yillarda super yulduz sifatida tan olingan birinchi aktrisadir. Aktrisaning ikki qizi ham san’at yo‘lidan borishga qaror qildi. Janvi 2018-yil “Yurak urishi” filmida ilk debyutini ijro etgan.
20 yashar Hushi ham debyutga tayyorgarlik ko‘rmoqda.
Amrita Singx va uning farzandlari: Sara Ali Xon va Ibrohim Xon
Aktrisa Saif Ali Xonga turmushga chiqqanidan so‘ng kino olamini tark etgan. Ular farzandlari Sara va Ibrohim Xon dunyoga kelganidan keyin 2004-yilda ajrashishga qaror qilgan.
Sara Nyu-Yorkdagi Kolumbiya universitetini tugatdi, lekin Hindistonga qaytib, ota-onasining izidan yurdi. Sara 25 yoshda bo‘lishiga qaramay Bollivudning eng istiqbolli aktrisalaridan biri hisoblanadi.
19 yoshga to‘lgan Ibrohim Xon ham hayotini kino bilan bog‘lash maqsadida Angliyada ta’lim olmoqda.
Madhuri Diksit va uning o‘g‘illari Erin va Rayan
Madhuri 1999-yilda AQShda jarroh Shriram Madxav bilan oila qurdi va Kolorado shtatiga ko‘chib o‘tganidan so‘ng o‘g‘li Erin dunyoga kelgan. Oradan ikki yil o‘tgach Rayan tug‘ilgan.
Aktrisaning so‘zlariga ko‘ra, Erin xushchaqchaq, maktabdagi turli tadbirlarda ishtirok etadi. Baraban, tabla va pianino chalishni va raqsga tushishni yaxshi ko‘radi. Rayan esa akasiga qaraganda ancha tortinchoq.
Juhi Chavla va uning farzandlari Janvi va Arjun Mehta
Aktrisa dastlab tadbirkor Jaya Mehta bilan turmush qurganini ommadan yashirgan. Hozirda ularning ikki farzandi bor. Ularning ikkisi ham Britaniyadagi maktabda tahsil oladi.
Aktrisaning so‘zlariga ko‘ra, qizi Janvi onasining izidan yurishni xohlamaydi, aksincha yozuvchi yoki jurnalist bo‘lishni orzu qiladi.
Tina Munim va uning o‘g‘illari: Anmol va Anshul
Tina 13 yil davomida muvaffaqiyatli kino karyerasiga ega. 1991-yilda turmushga chiqqanidan so‘ng kino olamini tark etgan. Aktrisaning o‘g‘li Jay Anmol 1991-yil 12-dekabrda dunyoga kelgan. U Britaniyaning Warwick biznes-maktabida bakalavr darajasiga ega. Anmol odamlar e’tiborida bo‘lishni xohlamaydi, ammo ota-onasi bilan tadbirlarda faol ishtirok etadi.
Jay Anshul 1996-yilda tug‘ilgan. U ham akasi singari jamoat nazarida bo‘lishini xohlamaydi va o‘zini sirli tutishga harakat qiladi. Shuningdek, Nyu-York biznes-maktabida boshqaruv bo‘yicha ilmiy darajaga ega. Musiqani sevadi, hashamatli mashina va samolyot yig‘ish Anshulning yoqtirgan mashg‘uloti hisoblanadi.
Rati Agnixotri va uning o‘g‘li Tanuj Virvani
Aktrisa 1985-yilda tadbirkor va me’mor Anil Virvani bilan oila qurgan. Oradan bir yil o‘tib, ularning o‘g‘li Tanuj dunyoga kelgan. Tanuj 34 yoshda, u ham onasi kabi kino san’atiga mehr qo‘ygan. Rejissorlik va ssenariy yozishga qiziqadi va bir qancha ijtimoiy ahamiyatga ega qisqa metrajli filmlarni suratga olmoqda.
Padmini Kolxapure va uning o‘g‘li Priyank Sharma
Padminining o‘g‘li Priyank 30 yoshni qarshi oldi. U ham kino san’ati muhitida o‘sganligi sababli doimo filmlarga qiziqadi. Ota-onalar o‘g‘lining qizqishlarini qo‘llab-quvvatlaydi. U AQSh va Londondagi Kino institutlarini tugatgan va bir qancha teatr kurslarida ham tahsil olgan. U hozirda rejissor yordamchisi va aktyor sifatida faoliyat yuritadi.
Izoh (0)