Ўтган 6 ой мобайнида ҳар қандай соҳада кутилмаган инқирозлар юзага келди. Дунёдаги мавжуд вазият туфайли кўплаб лойиҳалар тўхтатилди. Шунингдек, кино оламида ҳам фильмларнинг сўнгги босқичида продюсерлар платформаларда уларни сотишига тўғри келди. Лекин шунда ҳам ўз маҳсулотларини кинотеатрларда тақдим этишга тайёр бўлганлар бор. Бу борада Болливуд ҳам изланишда давом этмоқда. Режиссёрлар фильмларнинг 2021 йилда намойиш этилиши яна томошабинларни кинотеатрларга қайтаришига умид боғламоқда.
«Соат 12:00»
«Соат 12:00» фильми тақдимоти 2021 йил 8 январь куни бўлиб ўтиши режалаштирилган. Фильмда Митхун Чакраборти, Дивя Жагдейл, Ашиш Видярти, Далип Тахил, Флора Шайни ва Кришна Гаутамлар иштирок этган. Режиссёр Рам Гопалнинг даҳшатли фильми дастлаб «Геҳер» деб номланган ва кейинчалик «Соат 12:00» га ўзгартирилган.
«Сардар Удхам Сингх»
Ушбу фильм тақдимоти 2021 йил 15 январь кунига мўлжалланган бўлиб, ролларда Вики Каушал ва Банита Сандхуларни кўриш мумкин. Озодлик учун курашувчи Удхам Сингх ҳақидаги ушбу картинани режиссёр Шужит Саркар 2019 йил 4 мартда расман эълон қилган ва уни ўзининг орзу қилган лойиҳаси деб атаган эди.
«Баччан Пандей»
Мазкур фильм 2021 йил 22 январда намойиш этилиши кутилмоқда. Унда машҳур актёрлардан Акшай Кумар, Крити Сеноно ва Жаклин Фернандесни кўриш мумкин. Фильм аслида 2020 йил 25 декабрда намойиш этилиши керак бўлган, аммо маълум сабабларга кўра қолдирилган. Шунингдек, дунё бўйлаб юз бераётган вазият туфайли ҳеч бир фильм ўз вақтида намойиш этилмади.
«Суряванши»
Премьераси кутилаётган навбатдаги фильм 2021 йилнинг 26 январида намойиш этилади. Фильмни суратга олиш ишлари 2019 йил май ойида бошланган ва шу йилнинг ноябрь ойида тугаган. Тақдимот эса 2020 йилнинг 24 март куни бўлиб ўтиши керак эди, аммо кинотеатрларнинг оммавий тарзда ёпилиши туфайли қолдирилди. Режиссёр фильмни рақамли платформада сотишни мақсадга мувофиқ деб билмади ва ҳамон уни кинотеатрда тақдим этилишига умид боғламоқда.
«Баракалла, Митху!»
Ҳиндистон крикет терма жамоаси сардори – Митали Раж ҳақидаги биографик фильм. «Мен сабабли ушбу фильм дунёга келганидан хурсандман. Унда ушбу қийин спорт туридаги аёлларнинг кураши ҳақида ҳикоя қилинади. Айниқса, бу ўтган асрнинг 90 йилларида жуда қийин бўлган. Ҳозир замон ўзгарди. Кўпгина ёш қизларда ҳам спорт билан шуғулланиш имкони ва истаги бор», − дейди Митали. Фильм намойиши 2021 йилнинг 5 февралига режалаштирилган.
«Банти ва Бабли-2»
Воқеалар ривожи «Банти ва Бабли» (2005) фильмининг давоми сифатида ривожланади. Ижодкорлар фильмни рақамли платформада чиқариш ғоясини рад этди ва карантин чекловлари юмшатилишини кутмоқда.
«83»
Мазкур фильм 2021 йилнинг март ойида намойиш этилиши кутилмоқда. Ролларда Ранвир Сингх, Дипика Падуконе, Тахир Раж Бхасин, Сакиб Салим каби актёрлар иштирок этган. Фильмда Ҳиндистон крикет терма жамоаси сардори Капил Деваннинг ҳаёти ва унинг жамоасининг 1983 йилги Жаҳон чемпионатидаги афсонавий ғалабаси акс этган. 2020 йилнинг 10 апрелига намойиши режалаштирилган фильм кейинчалик ноябрь ойига қолдирилган эди. Эндиликда фильмни баҳордан томоша қилиш мумкин.
«Bell Bottom»
Ушбу лойиҳа ўтган асрнинг 80 йилларида юз берган воқеалар асосида суратга олинган. Суратга олиш ишлари 2020 йилнинг 30 сентябрида якунланган бўлиб, унинг намойиши 2021 йилнинг 2 апрелида намойиш этилиши керак.
«Ҳақиқат ҳамиша ғолиб чиқади-2»
Муваффақият қозонган «Ҳақиқат ҳамиша ғолиб чиқади» фильмининг давоми 2021 йил 12 майда кинотеатрларда намойиш этилиши кутилмоқда. Фильмда Жон Абрахам ва Дивя Хосла Кумар иштирок этган. Картина адолатсизлик ҳамда мансабни суиистеъмол қилиш ҳақида ҳикоя қилади. Фильмни суратга олиш ишлари ҳозирча якунланмаган.
«14 Пере»
Режиссёр фильм ҳақида шундай дейди: «‘14 Пере’ оилавий фильм бўлиб, жуда кўп қизиқарли воқеа ва саргузаштларни ўз ичига олган. Шунингдек, кутилмаган ҳодисаларга бой. Актёрлар билан ишлаш жуда ажойиб бўлди». картина тақдимоти 2021 йилнинг 9 июль кунига режалаштирилган.
«Севиш ҳуқуқи-2»
2021 йилнинг 16 июлида тақдим этилиши кутилаётган фильмда Тайгер Шрофф, Крити Сенон, Ракеш Крушна Жоши иштирок этган.
«Маидаан»
Актёрлардан Ажай Девган, Приямани ва Гажраж Рао иштирок этган «Маидаан» фильми 2021 йилнинг 15 октябрида намойиш этилиши режалаштирилмоқда. Фильм ҳинд футболининг 1952-1962 йиллардаги олтин даври ҳақида ҳикоя қилади. У ҳинд, тамил, телугу ва малаялам тилларида намойиш этилади. Фильм намойиши аслида 2020 йил 11 декабрига режалаштирилган эди, аммо пандемия сабабли унинг тақдимоти 1 йилга кечикди.
«Ракшабандхан»
Фильмда бош ролни ижро этган актёр Акшай ушбу картина ҳақида синглиси Алкага шундай дейди: «Инсон қалбига шу қадар тез ва чуқур таъсир қиладиган воқеа. Бу менинг карьерамдаги энг тез имзолаган фильм шартномаси ҳисобланади. Мазкур картина ака ва сингил ўртасидаги ришта ҳақида ҳикоя қилади». Фильм намойиши 2021 йил 5 ноябрь куни бўлиб ўтади.
«Лал Сингх Чаддха»
«Форрест Гамп» фильмининг ремейки сифатида ушбу фильм Ҳиндистоннинг 100 дан ортиқ жойларида суратга олинган. Асосий суратга олиш майдончаси Чандигархда бўлиб, пандемия сабабли у ҳам тўхтатилган эди. 2020 йилнинг сентябрь ойидан эса Дехлида қайта тикланди. Энди томошабинлар мазкур фильмни яна бир йил кутишига тўғри келади.
«Жерси»
Мазкур фильмда бош қаҳрамонни Шахид Капур ижро этади ва унинг намойиши 2021 йил бўлиб ўтиши кутилмоқда. Картинани суратга олиш ишлари 2020 йилнинг декабрь ойида якунланган бўлиб, ҳозирда унинг устида монтаж ишлари олиб борилмоқда.
Бундан ташқари, Болливудда фильмлар суратга олиш жараёни бир зумга ҳам тўхтагани йўқ. Шунингдек, 2021 йил учун яна бир қанча фильмлар премьераси режалаштирилмоқда, аммо аниқ санаси ҳозирча маълум эмас.
Изоҳ (0)