Америкалик аёл дунёдаги энг узун тирноқларини сотишга қарор қилди

Дунёдаги энг узун тирноқларга эга хюстонлик Аянна Уильямс уларни сотмоқчи эканлигини маълум қилди, деб ёзади Мetro нашри.

2017 йилда Уильямс тирноқлари сабаб Гиннеснинг рекордлар китобидан жой олган. Аёл 1992 йилдан буён уларни қирқмаган. Айни вақтда тирноқлар узунлиги 97 сантиметрни ташкил этади.

54 ёшли аёлнинг сўзларига кўра, бу каби тирноқлар унинг набираларига ёқади. Шунга қарамай, у кўплаб ноқулайликларни юзага келтиради: Аяннега кундалик оддий юмушларда ҳам ёрдамчи керак.

«Мен телефонда қалам ёки бармоқ бўғимларим билан ёзаман. Омбир ёрдамида жинси кияман. Фарзандларим ва набираларим жуда ёрдам беради», — дейди у.

Аёлнинг ҳаёти олти йил олдин эри билан ажрашганидан сўнг, янада қийинлашган.

Шунга қарамай, аёл тирноқларидан воз кечишга шошмаяпти, Аянна тирноқларини камида 47 минг долларга сотиш ниятида.

«Мен бир йиллар олдин қарор қабул қилдим, бироқ уни фақатгина муносиб пулга сотаман. Харидор топилмагунича уларни қирқмайман», — дея таъкидлайди Аянна.

Нашрнинг ёзишича, айни вақтда тирноқнинг максимал нархи 100 долларни ташкил этмоқда.