Япониянинг Tsuchiya Kaban бренди The Funof Carrying сериясидан ноодатий янгиликни тақдим этди — қорбола учун сумка. Yukidaruma сумкаси кул ранг-графит рангида ишланган бўлиб, қорбола шаклида яратилган, деб хабар беради «Korrespondent.net».
«Деярли барча болакайлар узоқ қишги сайрлардан сўнг уйига қорбола олиб келишни орзу қилади», — дейди бренд дизайнерлари.
Болаларнинг бу каби орзусини амалга ошириш учун Tsuchiya Kaban мутахассислари кичикроқ қорболани ташиш учун махсус сумкани яратган бўлиб, у сув ўтказмайдиган чарм ва полиэфир толадан ишланган.
«Тикувчилик машинасининг тузилиш хусусиятларидан келиб чиқиб, уста сумкани муаллақ ушлаб туриши ва уни қорбола шаклидаги эгилиш бўйлаб оғирлиги бўйича тикиши, тикиш йўналиши ва тезлигини мослаштириши билан бирга, чоклар орасидаги бир хил масофани таъминлаши зарур эди. Бирорта оралиқ бир ёки икки миллиметрга бўлса-да бузилса, сумка яроқсиз ҳолга келиб қолиши мумкин», — дейди компания вакили.
Сумка жамланмасидан махсус ковш ҳам ўрин олган бўлиб, унинг ёрдамида қорболанинг шаклини бузиб юбормаган ҳолда уни чиқариб олиш мумкин. Шунингдек, ковш қорболанинг сумка ичидаги ҳолатини «мустаҳкамлайди».
Сумка дизайнерлари қиш рамзининг яна бир муҳим жиҳатини ёддан чиқармаган: унинг ичига тикилган махсус ҳамёнга қорбола бурнини солиб қўйиш мумкин.
Изоҳ (0)