Таиландда Тэм лақабли ит донли экинлар йиғим-теримига мўлжалланган комбайнни улкан тароққа айлантирди, деб хабар беради Meduza.
Ит елкаси билан комбайнга илашиб қолган похолларга ишқаланса, жуда сифатли массаж бўлишини тушуниб қолган. Бу каби ҳолат итга шу қадар ёққанидан Тэм жараён давомида мамнуният билан бошини қимирлатганини кўриш мумкин.
Итнинг эгасини сўзларига кўра, Тэм соатлаб комбайн атрофида айланиши мумкин, елкаларни қашиш — унинг учун медитацияга айланган. Шу билан бирга, комбайн «тишлари»да похол бўлмаса, ит унга қайрилиб ҳам қарамайди.
«Бу унга жуда катта завқ бағишлайди. Биз учун бу қизиқ кулгили туюлгани билан, итим бахтли», — дейди Тэмнинг хўжайини.
Аввалроқ Франция президентининг ити бошпанасиз ҳайвонларга ёрдам кўрсатишга чақирувчи роликда суратга тушган эди.
Изоҳ (0)