Интернетда яна бир янги оптик иллюзия машҳурликка эришди. Айниқса, у айримларга оқ-тилларанг, бошқаларга — қора-кўк бўлиб кўринган буқаламун-кўйлакни соғинганлар учун ёқади, деб ёзади Meduza.
Reddit тармоғининг Меган Артур исмли фойдаланувчиси рангини ёруғликка қараб ўзгартиришга қодир свитер сурати билан бўлишди. Хоналарнинг бирида у яшилсифат кул ранг бўлса, бошқасида — бинафшаранг.
Бунинг «фотошоп» эмаслигини исботлаш учун Артур реал вақтда рангини ўзгартираётган свитернинг видеосини ҳам эълон қилган.
Артурнинг таъкидлашича, кийимнинг ранги ўзгараётганини нафақат камера орқали, балки оддий кўз билан ҳам кўриш мумкин. Шу билан бирга, свитер кўпинча яшилсифат рангда кўринади.
Изоҳ (0)