Германияда темир йўлга ўтириб олган оққуш сабаб 20 дан ортиқ поезд ҳаракати вақтинча тўхтаб қолди, деб хабар беради The Guardian.
Маълум қилинишича, қуш ўз дўстининг рельслар остида жойлашган электр узатиш линиясига тегиб кетиши оқибатида вафот этганидан сўнг, поезд йўлига ўтириб олган.
Оққуш сабаб Кассель—Гёттинген йўналиши бўйича ҳаракатланувчи 23 та поезд, тахминан, 50 дақиқа ушланиб қолган.
Таъкидланишича, қушни йўлдан олиб ташлаш учун полиция ва ўт ўчириш хизмати ходимлари ёрдамга чақирилган бўлиб, улар махсус қурилмалар ёрдамида симларга илашиб ҳалок бўлган оққушни олиб ташлаган.
Иккинчи оққуш эса Фульда кўлига қўйиб юборилган.
Изоҳ (0)