Энг яхши ҳордиқ чиқариш – бу фильм томоша қилиш. Улар гоҳ кулдиради, гоҳида йиғлатади. Фильм орқали гоҳида бутун дунёни кезиб чиқиш, баъзида бегона қаҳрамонларга ҳамдард бўлиш ҳам мумкин. Қуйида худди шундай хусусиятларга эга ҳеч кимни бефарқ қолдирмайдиган 15 та фильм билан танишиб чиқиш ва уларни, албатта, томоша қилиш тавсия этилади.
«Қора қулоқли оқ Бим»
Ушбу картина шубҳасиз, болалик хотираларни ёдга солувчи энг таъсирчан фильм. Ёш билан боғлиқ барча нарсанинг ўзгариши, севимли эгасини йўқотган итнинг тақдири, садоқат ва ростгўйлик, инсонларнинг аслида ким эканлигини ҳикоя қилувчи воқеаларни ўз ичига олади.
«Сунъий онг»
Узоқ келажакда ўлик инсонлар ажойиб ва мураккаб роботлар билан ёнма-ён яшайди. Робот бола Дэвид ҳам ақлини намойиш этиш учун дастурлаштирилган. Бироқ унинг инсонлардан ташкил топган оиласи бу каби ҳиссиётнинг оқибатига тайёр эмас.
«Севишга шошилинг»
Оддийгина инжиқ йигит ва аълочи талаба қизнинг севги ҳикоясини ҳамма вақт ҳам буюк асар деб аташ қийин. Муҳаббат истаганда мўъжиза яратиши мумкин. Ҳаёт эса қандайдир эртакка ўхшаб кетиши табиий. Фақатгина ҳақиқат билан тўқнашув бир нечта воқеаларни ўзгартириб юборади. Аммо мўъжиза ва орзулар учун, албатта, ўрин топилади.
«Яшил йўлак»
Стивен Кингнинг ўлимга маҳкум этилган ғайриоддий маҳбус Жон Коффи ҳақидаги романи асосида яратилган мистик драма бир вақтнинг ўзида нафақат томошабинларни, балки танқидчиларни ҳам ҳайратга солган. Картина чиндан ҳам муваффақиятга эришган.
«Осмонга етишиш учун»
Фильмда жиддий касалликка чалинган икки дўстнинг ҳикояси ҳар қандай томошабинни йиғлатади. Қизиғи шундаки, фильм томошасидан сўнг ҳеч ким оғирлашиб қолмайди, аксинча яшаш учун ўзида куч топади.
«Хатико: Энг содиқ дўст»
Фильм – ҳаётий воқеаларга асосланган. Уни университет профессори Паркер Уилсон вокзалдан топиб олган ва улар қалин дўстга айланган. Ҳаттоки бу дўстлик узоқ йиллар давом этган.
«Фаришталар шаҳри»
Фаришталар ҳам инсонлар билан бирга яшаса ҳаёт қандай бўлиши мумкин? Ушбу фильм қаҳрамони фаришталарга дуч келмагунча уларга ишонмас эди. Аммо фильм инсон ҳаёти гўзаллигини ва дунёда яшашга арзийдиган нарсалар борлигини ёдга солади.
«Яхшилик қил»
Фильмда болакай Тревор дунёни ўзгартириш бўйича ўз назариясини ишлаб чиқади. Унинг моҳияти жуда оддий: «Мен сенга ёрдам бераман, сен яна учтасига ёрдам берасан». Картинада инсонларнинг бир-бирига яхшилик қилиш ғояси илгари сурилган.
«Пианиночи»
Фильм урушнинг барча машаққатларига дош берган, ўтган асрнинг 30 йилларидаги Польшанинг энг яхши пианиночиларидан бири Владислав Шпилманнинг таржимаи ҳолига асосланган. Ажойиб мусиқа ва воқеалар тизими учун ҳам фильмни томоша қилиш тавсия этилади.
«Терабития мамлакати сари»
Ушбу фильмда ҳеч қандай фантастик тўқнашув мавжуд эмас. Фильм ўз дунёсини яратишга уринаётган болалар ҳақида. Бу каби фильмни ҳиссиётларга берилмасдан томоша қилишнинг ўзи мумкин эмас.
«Миллионга тенг қизалоқ»
Фильмда ортиқча нарсанинг ўзини топиб бўлмайди. У ҳаётни қандай бўлса, борича намойиш этади. Ҳаёт қийинчиликларга бой, фақатгина қатъиятли, жасур ва мақсади бор одамгина унга жавобан кураш олиб бориши мумкин.
«Хотира кундалиги»
Қариялар уйидаги кекса аёлнинг кундалик дафтарида таъсирли севги ҳақида ҳикоя қилади. Бу хотиралар томошабинни ухлашга қўймайди, тинимсиз безовта қилади. Қисқаси, фильмни томоша қилиб, бунга амин бўлиш керак.
«Йўл-йўл пижамали бола»
Асарда Берлинда яшаётган тўққиз ёшли немис боласининг отаси муҳим мансабга ўтаётгани учун оиласи билан бошқа жойга кўчиб ўтишга мажбур бўлади. Бруно янги жойни ёқтирмайди, зерикади, ўйнашни хоҳлайди, лекин атрофда ҳеч ким йўқ. У деразадан йўл-йўл пижамаларда юрган одамларни кўриб қолади ва ўша ҳудудни ўрганишга боради. У ерда янги дўсти – панжаранинг нариги томонида, конслагер ҳудудида ўтирган яҳудий болакай Шмуэл билан танишади. Уларнинг дўстлиги кутилмаган воқеалар рўй беришига сабаб бўлади.
«Ўгай она»
Мазкур картина соф туйғулар, оналик, садоқат ва енгиш қийин бўлган ҳолатлар ҳақидаги фильм. Драмада Сюзан Сарандон ва Жулия Робертс ижросидаги бош қаҳрамонларнинг мураккаб ва зиддиятга бой характерлари очиб берилган.
«Орзулар қаерга олиб боради?»
Бош қаҳрамон автоҳалокатда вафот этади, аммо у турмуш ўртоғидан айрилишни хоҳламайди. Робин Уильямснинг ажойиб драматик роли фильм воқеаларини янада бойитган.
Изоҳ (0)